| شريك التمر بطريقة سهله ولذيذه 👌🏻 |
المقادير
- 3 أكواب ونص طحين أبيض
- م ك خميرة
- نص م ص ملح
- م ك سكر
نخلط المواد الجافه مع بعض ونضيف عليهم :
- بيضه
- نص اصبع زبدة
- كوب حليب طازج
نعجنهم بالعجانه حوالي 5 دقايق على سرعه وسط تكون معنا عجينه طريه نحطها بوعاء مرشوش فيه شوي طحين ونخليها تتخمر لمدة ساعة .. ..
** نجي للتمر : أحب آخذه خلاص وأشيل النوى منه وأعجنه بيدي مع شوي زبده طريه وقرفه مطحونه لين يصير التمر معجون …
بعدين نقسم العجينه لكورتين و نفردها ونقصصها شرائح طويله وبعدين ناخذ شوي من التمر المعجون ونبرمه بالطول ونحطه بالنص ونقفل العجينه عليه ونبرمها والأطراف نمسح عليها بشوي ماء ونلزقها مضبوط عشان ماتنفك بالفرن وبعدين بسكينه حاده نقصص الأطراف بدون مانوصل للنهايه و ندهنها بشوي حليب ونغطيها ترتاح 45 دقيقه إلى ساعه وبعد ماترتاح ندهنها بحليب أبو قوس ونرش عليها سمسم وندخلها فرن مسبق التسخين على درجة 350 مشغل من تحت ويصير الرف بالوسط تاخذ 20 دقيقه تقريبا أو أقل ✨
#مخبوزات_عبير_العميرة
