| بسبوسة بالحليب المحموس ومحشية قشطة طعم انمااااا ايه 😋👌🏻 |
أول شيء نصلح القشطة :
- كوبين حليب طازج يعني 500 مل
- ربع م ص ملح
- ربع كوب سكر
- 6 م ك نشاء
- ظرف دريم ويب
- 6 حبات جبن كيري
- كوب قشطة طازجة
أو معلبة المتوفر عندكم .. نخلط الحليب مع النشاء والسكر
ونحرك لين يذوب النشاء بعدين نفتح عليه النار حرارة وسط ونحرك باستمرار لين يبدأ يثقل
نضيف الجبن الكيري ونحرك لين يتجانس
وآخر شيء نضيف القشطه يصير القوام ثقيل ونحطه بصحن زجاج ونحط النايلون على وجه القشطه عشان ما تتكون القشره .. ونخليها تبرد على راحتها ،
الحين نصلح البسبوسة :
- كوبين سميد
- نص م ص ملح
- م ك بيكنج بودر
- كوب ونص حليب بودرة محموس نحمسه خفيف يكون لونه بني وسط مو محروق
- كوب سكر بودرة
- كوب زبادي
- اصبعين زبدة طريّه
ونعجن المكونات مع بعض ونقسمهم لجزئين نفرد الجزء الأول بالصينيه بعدين نفرد القشطه فوقه وبعدين الجزء الثاني نضيف عليه ربع كوب ماء عشان يسهل عليكم فرده فوق القشطه وبعدين نحطها بالثلاجه تتماسك ونقطعها قبل الفرن ونخليها ترتاح نص ساعه وبعدين ندخل الصينية لفرن مسبق التسخين
على درجة حرارة 350 بالرف الوسط
تاخذ لها 20-25 دقيقة وأول مانطلعها نسقيها الشيرة ونغطيها تتشرب ونخليها تبرد على حرارتها بجو المطبخ ثمن ندخلها الثلاجه إذا تحبونها باردة .. .
وبألف صحه وعافية على قلوبكم 💕
