| ميني ماربل كيك |
1- نخفق ثلاث بيضات مع م ص فانيلا سائلة
و نص كوب سكر بودره ونص كوب زيت .
بعدين نضيف المقادير الجافه عباره عن :
كوب ونص طحين أبيض
ربع م ص ملح
ربع م ص بيكنج صودا
م ص بيكنج بودر
نخلطهم مع بعض ونضيف ربع كوب حليب طويل الأجل .
2- نقسم الخليط قسمين قسم نخليه زي ماهو
وقسم نضيف عليه ملعقه كبيره ونص كاكاو بودره المُر + م ك حليب طويل الأجل .
3- نجيب أي صينيه عندكم ميني ونحط الخليط الأبيض والشوكلاته كل نوع بكيس التزيين أسهل بالتوزيع وبعدين نحط شوي من الأبيض وشوي من الشوكلاته لين نعبّي ثلاث أرباع القالب .
4- بعد مانخلص نضرب بالصينيه على السطح أكثر من مره عشان يتواسى ويطلع الهواء .
5- ندخل الصينيه لفرن مسبق التسخين مشغل من تحت على درجة حراره 350 فهرنهايت
لين تستوي وبعدين إذا يتقدمونه مع الشاهي تكون بدون صوص فوقها أما إذا يتقدمونه مع القهوه
حلو يكون عليها صوص شوكلاته .. .
** صوص الشوكلاته :
ثلاث أرباع كوب شوكلاته خام أي نوع تحبون
م ك زبده
م ك شراب الذره أو شيره خفيفه
أو عسل خفيف ونذوبهم بحمام مائي ونفردهم بسرعه ع الكيك وهو حار قبل مايبرد وبعدين نخلي الكيك تبرد على راحتها ويتماسك الصوص عليها واستمتعو باللذاذه بألف عافيه على قلوبكم ♥️
