– الباخمري من اشهر الاكلات الحضرميه 👳🏼 و يعملوها في كل المناسبات حقتهم اسمها بالحضرمي باخمري و في ناس يسموها مقصقص و اهل الحجاز كعك و العمانين مندازي طبعا يختلف اسمها حسب المنطقه ، تتاكل مع الشاي العدني او الادامات او حتى الجبن 🍯😍..
طريقتها جدا سهله بس يبغالها دقه في المقادير و القلي عشان تطلع مزبوطه 👳🏼👌🏼..
المقادير
- ٦ كاسات دقيق .
- كاسه سكر .
- ملعقه اكل خميره فوريه.
- ٤ ملاعق حليب بودره .
- ملعقه صغيره بكنج بودر.
- زيت قد فنجان القهوه .
- شويه حبه سوداء -حبه البركه -.
- كاستين مويه لازم تكون دافيه .
ممكن تعجنوها بالعجانه او اليد واذا اتكتلت نضيف شويه مويه دافيه .
بعد ما تنعجن و تصير طريه ، نشكل العجينه على شكل دوائر متوسطه قد كف اليد و نغطيها عشان تتخمر و ترتاح شويا 🙇🏽⌛️.
بعدين ناخذ كل كوره نفردها و نقطعها مثلثات زي ماسويت بالزبط في الفيديو 👌🏼.
نجي للقلي : اول شي لازم الزيت يكون حاار بعد ما يصير حار نرمي العجين و نخفض النار عشان ما ينحرق ، وهيا ع النار نرش عليها الزيت بالملعقه عشان تتنفخ و يصير شكلها حلو زي ما سويت بالزبط ترى دي الخطوه مهمه و يعدين نقلبها للوجه التاني الين يصير لونها بني فاتح و تتصفى وبسس 💁🏽❤️
والي تطبقها تعملي تاق عشان اشوف 😁✌🏻️.
هل الفيديو لا يعمل؟ إضغط هنا
