سيزلنج دجاج مع عيش بالثوم👌
.
المقادير:
٤ صدور دجاج مقطعه مكعبات وسط
كوب ونص طحين تضيف له ( ملح-بابريكا-بودرة ثوم-بودرة بصل-بهارات دجاج)
٢ بيض
ملعقه طعام ثوم وزنجبيل مهروسين
بصل -فلفل بارد ملون مقطعين مكعبات
نص كوب كاجو
.
مقادير الصلصة: (نخلطهم كلهم مع بعض)
كوبين ونص ماء +٣ ملاعق طعام نشا ..نذوبهم بالماء
نص كوب صويا صوص
ملعقه طعام كاتشب-ملعقه طعام سويت اند تشيلي صوص+ملعقة طعام صلصة hp original
٣ ملاعق طعام خل
ملعقتين او ٣ ملاعق طعام سكر بني
.
الطريقة:
نغطس الدجاج بالطحين بعدين البيض وبعدها الطحين و البيض ..نكرر الخطوه مرتين ..تالي نقلي الدجاج
.
نحمر الثوم والزنجبيل تالي نضيف البصل و فلفل البارد ونحمس لما يتحمرون..تالي نضيف الكاجو..وبعدها نضيف الصلصه وننطر عليها لما تثقل وتطبخ ..و اخر شي نضيف الدجاج
.ويزين بالسمسم
.
.
مقادير الرز:
كوب رز مغسول
ملعقه طعام ثوم مهروس
ملعقه وسط شوربة خضار -او مكعب ماجي
ملح
.
نحمس الثوم بزيت لما تطلع ريحته ويتحمر نضيف شوربة خضار ونحمس تالي الرز نضيف ونحمسه عدل و اخر شي نصب الماي و نضيف الملح ونخليه يطبخ ..اذا نشف الماي نقصر على النار ونخليه يكمل استوا على نار هاديه
.
