| أقماع البف بالقشطة 😍 |
هنا الأقماع سويتها بعجينة بف ستار الجاهزة @qassimstar شوفو كيف سويتها بالفيديو مره سهله الحركه ..
القشطة هذي من زمان معتمدتها روعه قليله في حقّها قوام وطعم 😋
أول شيء نجيب قدر ونضيف فيه :
5 ملاعق كبار نشاء استخدمت المعيارية
وأضفت عليهم كوب حليب طازج كامل الدسم ونخلط بهدوء بملعقة خشب أو سباتولا لين يذوب النشاء والحليب بارد بعدين نضيف كوب قشطة طازجة ( أحب آخذها من أسواق الحربي )
وأضيف ملعقتين كبار سكر ..
الحين أحطهم كلهم على نار هادئة واستمر بالتحريك لين يثقل القوام ..
أشيلها من على النار و بعدين أضيف جبن موزريلا مبشور 200 جرام ( خذو ماركة بريزيدن ممتازه وموجوده بالثلاجه مبشوره جاهزه )
وأضيف م ص فانيلا سائلة ..
ممكن تضيفون أي منكّهات أنتم تحبونها ..
وتخلطونهم زين وبعدين تحطونها بصينيه وتحطون عليها نايلون يصير ملامس لسطح القشطة عشان ما تتكون القشرة وتخلونها بالثلاجه لين تبرد تماماً .
إذا بردت مضبوط راح يكون قوامها جداً ممتاز تعبّونها بالأقماع وترشّون عليها فستق وتقدّمون معها شيره ولا أروع 😍👌🏻.
.
و بألف صحّة وهناء💕
