| فطآير سينآمون مش أي أي ☺️👌🏻 |
مقآدير العجينة :كوبين ونص طحين + نص م ص ملح + م ص سكر + م ص خميرة فورية + كوب وربع حليب دافي + بياض بيضة .
نعجنها مضبوط 10 دقايق بالعجآنة بعدين نخليها ترتاح من ثلث ساعة إلى ساعة على حسب وقتك ،
بعدين نقطعها قطع متسآوية نصفّها بصينية بدون حشوة
أو نحشيها جبن كيري على رآحتكم ..
بعد ما نكورهم ونصفّهم بالصينيه نغطّيهم يرتآحون نص ساعه بعدين نضغط عليهم بأطراف الأصابع ونرش ع الوجه جوز البيكان مجروش ونصب الصوص عليهم .. عبارة عن : ربع كوب زيت عادي + نص اصبع زبدة ذايبه + كوب كريمة خفق + صفار بيضة + م ك قرفة مطحونة + ربع كوب سكر مطحون .. نخلطهم زين مع بعض لين يتجانسون بعدين نصبّه بالكامل ع الوجه .. و ندخلهم فرن مسبق التسخين على درجة 400 فهرنهايت مشغل من تحت ونخليها لين تستوي تقريباً 25 – 30 دقيقة وبعدين نفتح عليها من فوق تتحمر وأول ماتطلعينها من الفرن خليها تدفى شوي قبل التقديم بعدين نزيّنها بالصوص الأبيض عباره عن : 9 حبات جبن كيري بحرارة المطبخ + نص اصبع زبدة طريّه + ثلاث أرباع كوب سكر بودرة + نص م ص ملح + ربع كوب سيروب جاهز حق البان كيك اللي لونه غامق نخلطهم بالخلاط لين يصير عندنا خليط ناعم مافيه أي تكتلات .. ونضيف منه على شكل خطوط ع الوجه وبعدين خطوط من الكآراميل و استمتعو باللذآذه مع فنجان قهوة عربيه .. .
الكيف على أصوله 😴👌🏻
#مخبوزات_عبير_العميرة
