| بودينج بخبز البريوش بالتمر |
1- أي نوع خبز ينفع وأفضل يكون بايت مو فرش حق اليوم عشان ما يتشرب السوآئل بسرعه ويذوب ، حبّيت آخذ بريوش بالتمر وقطعته بشكل عشوائي وحطيته بصينية فرن ودهنته بشوي زبده ذايبه وبعدين حمّصت جوز البيكان وفرمته خشن وصرت آخذ قطعة الخبز وأفتحها شوي وأحط من الجوز يعني كأني أحشي الخبز بعدين دخلتهم للفرن يتحمّص الخبز شوي .. ” طبعاً اختياري هالحركه ”
2- نجي للخلطة عباره عن :
بيضة + م ص فانيلا سائلة + كوب حليب + نص كوب كريمة خفق + نص كوب سكر بني + م ص مليانه قرفه مطحونه .
بعدين نحط الخبز بالخلطه ونخليهم 10دقائق لين يتشّرب الخبز ويصير طري .
بعدين نحطهم بصينيه وحده أو قوالب فرديه .
و بعدين دخلتهم فرن مسبق التسخين مشغل من تحت على درجة 180ْ خذت معي 40 دقيقه ..
لما طلعتها حطّيت عليها كورة آيسكريم مع شوي توفي و زيادة من جوز البيكان المحمص و ياااااااه قد ايش لذيييييييذ 😴🤤👌🏻
جرّبوه مره سهل عساه بألف عافيه على قلوبكم ♥️
