| بولينج شريمب 🦐 |
الوصفه سهله مره وترجع لكل وحده وذوقها بالإضافات، بأكتبها لكم بالتفصيل زي ماصلحته👌🏻 .
– الذرة : مسلوقه بعدين قصصتها وشوحتها بشوي زبدة لين خذت لون حلو .
– البطاطس : قطعته عشوائي بقشرته وبعدين حطيت عليه ملح شوي + فلفل أحمر مجروش وشوي كركم وزيت زيتون ودخلتهم فرن ساخن وخليته لين يستوي . .
– الروبيان يفضّل يكون حجم جامبو بقشرته مانشيلها وننظف الخيط اللي بالظهر أهم شيء اخذته و عحطيته بقدر وأضفت عليه شوي عصير ليمون وغطّيته على نار وسط أخذ معي تقريباً 7 دقائق بعدين فتحت الغطاء وقعدت أقلّبهم شوي طبعاً بدون إضافة ماء آخر دقيقه رفعت النار عاليه بعدين طفّيته وشلته من على النار وحطيته على جنب وقفلت الغطاء دقيقتين بعدين شلت الروبيان بصحن وصار فيه زي الصوص المتكرمل خفيف اللي طلع من الروبيان .. .
– أضفت عليه زبدة + ثوم طازج مهروس ناعم وأحرّكه ع النار بس يطلع ريحته بدون ما يتحمّر وبعدين أضيف بهار سمك “magic” ونتفة زنجبيل طازج وفلفل حار حبّات كاملة وأضفت شوي سومطره +شطة تباسكو + صوص الديناميت الحار وجلست أذوق الطعم لين وزنته مع الملح .. بعدين رجّعت الروبيان ع الصوص وقلّبته فيه وشلته من على النار وأضفت شوي من بيرة بنكهة العنب أو نكهة التفاح أو سفن اب اللي يعجبكم 👌🏻
– الحين جبت كيس وحطيت الذرة مع البطاطس بعدين نزلت معهم الروبيان وخلطتهم كلهم بكيس واحد بعدين استمتعو بطريقتكم عساه بألف عافيه على قلوبكم ♥️
