الكشري

..
–
مساء النور ياحلوين 👋🏻♥️
ادري تأخرت عليكم ومانزلت طريقه الكشري بدري بس تعرفو ويك اند و الكل مشغول 🙄
المهم صورت لكم الطريقه بالتفصيل صحيح إنو شغلها كثير بس مررره ممتع والله وراح تنبسطو في الأخير وأنتو بتاكلوها زي ما انبسطت انا😩♥️♥️
في الڤيديو ذا طريقه رز الكشري و الصوص حق الكشري اللذيذ 😻👏🏼
…
الخطوه الاولى نسلق العدس الأسمر “عدس ابو جبه” نص سلقه و نخليه على جنب ، ثاني شي نسلق مكرونه و لازم تكون من الحجم الصغير ..
ثاني خطوه : ناخذ بصلتين و نقطعها شرائح رفيعة و نقليهم في الزيت و قبل ما يحمر البصل رشو عليه ملح وهوا ع النا عشان يكون مقرمش ..الين يحمر و نطلع و ننشفه👌🏻
الخطوه الثالثة : في قدر عميق نصب شوي من الزيت حق البصل و نشوح حبه بصل مقطعه قطع صغيره الين يذبل بعدين نضيف الشعريه مع شويه مويه عشان يسهل علينا التحريك .. بعدين نحط العدس و الرز المصري “طبعاً منقع مسبقاً” و نضيف مويه شوي و ملح و فلفل اسود ..
صلصه الكشري :✨
نشوح ٣ فصوص ثوم مفرومه بعدين نضيف خل و ملعقه كبيره معجون طماطم و صلصله طماطم ” ٣ حبات طماطم فرمتها بالخلاط” و كمون وملح وفلفل اسود على نار هاديه تقريبا ١٠ دقايق و طريقه التقديم زي مابتحبو✨♥️
لذذذذييييذذذهه لذذذذذيييييذه بشككككل😩👅👅
وخصوصا مع دقه الكشري الحااارهه🌶🔥
تبغو طريقه دقه الكشري ولا تعرفوها !!