..
–
كفته بطاطس باللحم المفروم ✨
مسويه منها كميه كبيره و حفظتها بالفريزر وكلما احتاجها بس أطلعها و استنى الثلج يذوب منها و اقليها 🤷🏻♀️♥️♥️
الحشوه اختيارية سواء لحم او دجاج مفروم او تونه كلها بنفس الطريقه ..
الحشوه : نشوح حبتين بصل ع النار الين يذبل بعدين نضيف اللحم المفروم و ٤ فصوص ثوم مفرومه ..
البهارات : ملح و فلفل اسود و كمون و فلفل احمر مجروش و روز ماري 🌿 الين يستوي اللحم و نرفعه من النار ..
نجي للبطاطس : نسلقه و نهرسه نضيف عليه بابريكا و بودره بصل مايحتاج تضيفو ملح لان الحشوه مملحه..
نخلط اللحم المفروم مع البطاطس و نشكله بالشكل الي تحبوه أصابع دوائر زي ما تحبو ..
نجي للتغطيه : بيضتين و بقسمات و دقيق ..
نغطي الكفته اول شي بالدقيق بعدين نغمسه في البيض و اخر شي نغطيه بالبقسمات و ندخله الفريزه ١٥ دقيقه عشان يتماسك..
نقلي الكفته في الزيت على نار متوسطه الين مايصير لونها ذهبي✨
💡ملاحظه : البطاطس اسلقوها بالقشرتها عارفين ليش ؟؟ انا كنت اقشر البطاطس و بعدين أسلقها تصييير مررره طريه لانها تتشرب المويه وقت السلق و الكفته لازم يكون قوام البطاطس فيها متماسك فكانت تتفكك معايا وقت القلي ما عرفت الغلطة ذي الا لما عدتها اكتر من مره .. صرت اسلق البطاطس بالقشره بعدين لما استوي اقشرها و اهرسها..
متى تسلقو البطاطس بدون قشره !! لما تسوو صواني بالبطاطس او ماش بوتيتو عشان نبغى القوام خفيف كذا و طري ✨
وبس والله حبيت أفديكم بالعلومه دي للي يقولو الكفته تتفكك معاهم وقت القلي 🤷🏻♀️💕
و بالعافيه عليكم مقدما حبايبي💗💗
