وصفتنا اليوم سينابون بحشوه مختلفه شوي الي هي
حلاوه طحينه من شركه طعمه و فعلاً طلعت طعمممه😩💗💗
انا أدمنتها و سويتها يمكن ٣مرات بالأسبوع 🙊💕
عجينه السينابون :
- كاستين دقيق
- ٤ ملاعق حليب باودر
- ملعقه طعام خميره فوريه و ملعقه طعام بيكنج باودر
- ملعقه طعام سكر و رشه ملح
- ٤ ملاعق كبيره زبده طريه
- بيضه وحده
- نص كوب مويه دافيه💦
طريقة التحضير
-نخلط مكونات العجينه كلها باليد او العجانه و نتركها تخمر ساعه..
-بعد ماتخمر نفرد العجينه بس احرصو انها ماتكون مرره نحيفه ولا مرره عريضه وسط ..
الحشوه : دهنت العجينه بزبده و رشيت عليها حلاوه طحينيه و قرفه و كاكاو باودر ..
-نلف العجينه و نقطعها و نصفها في الصينيه بس ماتخلوها جنب بعض لانها بتتنفخ .. نخليها في الفرن تقريبا ٢٠ دقيقه درجه الحراره ١٥٠ْ من تحت وآخر ٥ دقايق من فوق ..
-نجي للفروستنج ؛ جبنه كريميه او ٦ حبات جبنه كيري خلطتها مع نص علبه حليب مكثف الين يصير قوامها كريمي ..
اول ما تطلعو السينابون من الفرن وهوا حار صبو على كل حبه حليب سائل ” هوا السر في طراوة العجينه ” والله تطلع زي الاسفنجه ، بعدين نصب الفروستنج جربوها مرره لذيذه “حلاوه طحينيه” خفيفه و سكرها معتدل
