مقادير كيكة الحليب المكسيكية 🍰💘
المقادير
- كوب دقيق ابيض
- ملعقة صغيرة و نص بكنق باودر
- ربع ملعقة صغيرة ملح
- ٥ حبات بيض
- كوب سكر
- ثلث كوب حليب سائل
- ملعقة صغيرة ڤانيلا
للتشريبة : 🍯
- علبة كاملة حليب مكثف تقريباً ٢ كوب
- علبة كاملة حليب مبخر تقريباً كوب و نص
- ربع كوب حليب سائل
للتغطية : 🍨🍦
- ٢ كوب كريمة خفق
- ٣ او ٢ ملعقة طعام سكر
- ربع ملعقة صغيرة ڤانيلا .
طريقة التحضير
اولاً
نشغل الفرن على من تحت
350f او 175c🔥
نمزج الطحين والبنكق باودر والملح مع بعض
ونفصل حبات البيض الصفار لوحده والبياض لوحده .
نضيف ثلاث ارباع السكر مع صفار البيض
ونخفقهم الى ان يتغير لون الصفار للأفتح نضيف ثلث كوب من الحليب السائل ونخفق شوي
نضيف خليط صفار البيض الى الطحين
ونمزجهم بشويش مع بعض الى ان يتجانسون تماماً .
نخفق بياض البيض بالخفاقة الكهربائية ونضيف بالتدريج ربع كوب سكر من الباقي
الى ان يصير قوامه كريمي ومنفوش واذا قلبتو الصحن ماينكب عليكم نفس الفديو ! 🍦
نضيف بياض البيض المخفوق بالتدريج الى خليط الكيك ومايحتاج نخفقه بالكهرباء
فقط خفق يدوي بسيط بملعقة كبيرة او مضرب يدوي .
. لاتكثرون من الخلط راح يخرب قوامه
بس يتجانسون ونوقف الخلط . .
نصب الخليط بصينية مربعة او دائرية براحتكم
وتكون مدهونه بزبده احتياطاً عشان مايلصق الكيك
تدخل الفرن لمدة ٢٠-٢٥ دقيقة من تحت بس على درجة
350f or 175c🔥
و على بال ماتخبز بالفرن
نسوي التغطيه والتشريبة🍯
التغطية فقط كريمة خفق ، نخفقها بالمضرب الكهربائي ونضيف بالتدريج السكر والفانيلا الى ان يصير قوامه كثيف ومتماسك
نطلع الكيكة من الفرن و نخرقها بالشوكة
نصب عليها التشريبة 😻الي هي “حليب سائل و مكثف ومبخر تنخلط مع بعض ،” لاتخافون اذا شفتوها طفحت شوي عادي ! 😆
بقو شوي على جنب من التشريبة عشان تتقدم بالاخير بعد التقطيع اذا حابين
نتركها لمدة ربع ساعه عشان تتشرب التشريبة كلها .
وبعدها نمسحها بالكريمة وتتزين بأي شي تفضلونه
ممكن رشة قرفة بعد تطلع لذيذة
انا اخترت انواع التوت 🤤🍓 #كيكة_افنان_المكسيكية
