..
–
مسساء الخير ♥️♥️♥️
وصفه اليوم تغيير شوي عن الروتين ..
ماڤن الرز بالكريمة و الدجاج 🤭♥️♥️
الطريقه و المقادير :
الحشوه :
-نصب قطرات من زيت الزيتون و نشوح البصل و الثوم الين يذبل بعدين نضيف صدور الدجاج و نتبله ، ولو حبيتو اضيفو الخضار الي تحبوها انا أضفت فلفل رومي ..
-اول ما يستوي الدجاج نصب كريمه الخفق و نقلب لحد ما يثقل ..
-الصوص الأبيض : ربع كوب كريمه طبخ ، ملعقتين من المايونيز و جبنه كريميه او جبن سائل ، نخلط المكونات كلها مع بعض ..
-نجيب رز مطبوخ مستوي نضيف عليه خضار مشكل و الصوص الأبيض و نخلط كل شي مع بعض ..
-نحط الرز في قوالب المافن بس قبل ادهنوها بشويه زيت عشان ما تلصق ..
بعد كذا نسوي زي الفتحه صغيره عشان بعدين نحط الحشوه ..
-ندخل الصنيه في الفرن عشان يتماسك الرز و يأخذ الشكل الي زي الكوب 😂🤭
-اخر شي نشي الرز بالحشوه و ممكن رشه جبن او اَي شي تحبوه ..
و بالعافيه ♥️♥️♥️
