حبّيت أشرح الطريقة بالتفصيل عشان اللي بتسويه أضمن لها راح تتلذذ بصدور دجاج ولا أطرى منها 👌🏻
.
. * طريقة صدور الدجاج : –
نجيب صدور دجاج ( مبرّده ) أفضل وألذ وأطعم طبعاً بدون غسل ندقّها دق خفيف عشان بس يصير سطحها مستوي ما يجي شي متين
وشيء نحيف ونسوي خطوط خفيفة بسكّين حادَه ثمن نتبلها : كل وحده وذوقها .. بالعاده أنوّع على حسب الموجود /
زيت زيتون + ملح + فلفل أسود + بابريكا + بهارات ايطالية + كركم + عصير ليمون + ثوم مهروس أو بودرة .
.
.
طيب إذا عندك وقت خليها بالثلاجه تتشرب شوي التتبيله و إذا ماعندك وقت خليها نص ساعه او اقل عادي ..
.
والحين نروح للشوايه سواء كهربائيه او غاز نخليها تحتمي إذا احتمت نحط الصدر ونحسب له على كل وجه ٣دقايق او بالكثير ٣دقايق ونص هذا اذا كان الصدر صغير او وسط أما اذا كان الصدر كبير ٥دقايق تكفي على كل وجه ، أول دقيقة تكون النار عاليه مره ثم نخليها وسط ،
وانتبهو اذا قلبتو الدجاج خطأ ترجعون تقلبونه مره ثانيه خلاص مره وحده لكل وجه بعدين نطفي النار ونخليه شوي يعني ٥ إلى ٦ دقايق زياده عشان تتجمع فيه العصاره ويطلع ولا أطرى ولا ألذ منننه 👌🏻 .
.
* الخضروآت بقدر الضغط : –
نقطع الخضروات اللي نحبّها شرائح طويله لا هي نحيفه ولا عريضه ( بطاطس ، جزر ، فلفل رومي ، قرع ، كوسه ، بروكلي ، ملفوف ، زهره ، كرفس … الخ )
نخلطهم مع بعض ونحط عليهم :
ملح ، بابريكا ، ثوم بودره ، فلفل مجروش ، بهارات ايطاليه ، بهار الليمون + شوي من زيت الزيتون 🌿 .
.
.
• إذا معك وقت اخلطيهم زين مع البهارات ثم غلّفيه بالنايلون وخليهم يتشرّبون البهارات ثم على طول بقدر الضغط الكهربائي ..
بدون ولا نقطة ماء .. اختار خيار أرز أو دجاج وأضغط على خيار (-) أنقص المدّه إلى ١٠ دقايق بالضبط .
.
.
بعد ماتستوي تلذذو فيها مع الأرز أو الخبز أو بالملعقه
أو مع المكرونه أو حطوها بصينية فرن فوقها حمسة دجاج وباشميل خفيف ..
.
.
يهبّل طعمها مرره لاتفوتونها 😋 .
.
.
أوضح المركز الأمريكي نصيحته قائلا: “نحن لم نعني أن نثير استفزازكم بقولنا إنه لا يجب أن تغسلوا الدجاج قبل الطهي، لكن بالفعل الأمر حقيقي، يمكنك التخلص من الجراثيم بطهي الدجاج مباشرة وليس الغسيل، يجب عليك تجنب غسيل أي دواجن أو لحوم أو حتى البيض”. وتابعت قائلة: “يمكنهم جميعهم نشر الجراثيم حول مطبخ، لا تهملوا سلامة أطعمتكم”.
.
.
و حذرت هيئة الغذاء والدواء من غسل الدجاج النيئ لما في ذلك من مخاطر صحية كثيرة تساهم في نشر البكتيريا على أسطح المطبخ .
.
.
