كبه بلبن ماعز مع شيش برك

.
.
اليوم الغدا كبه بلبن ماعز مع شيش برك
.
٣ اكواب برغل ناعم اسمر منرش عليهن شوية ماء ليطرو و يتشو .
نصف كيلو لحم عجل او غنم لازم يكون احمر ما في دهن لغلاف الكبه مطحون ناعم عالمولينكس
.
الحشوه : بصل مفروم ١٠ بصلات وسط – لحم مفروم غنم او عجل اقل من كيلو شي ٧٠٠ غرام – معلقة طعام تحويجه – ملح .
بس يتش البرغل ( يطرى) منحط عليي معلقة ملح و معلقة تحويجه و تحويجه خضره ( برغل اسمر بدون نقع – نعنع – بصله – حر – تحويجه ) منخلطن عالمولينكس بسير عنا تحويجه خضرا .
منحط حدنا جاط مي في ثلج ومنبلش نخلط اللحم مع البرغل ليتماسكو وبعدين منكون اقراص الكبه .و منحطن عصينيه و مندخلن فريزر ساعه احسن عشان يكمشو والباقي منتلجو بأكياس وبس بدنا نطبخ كبه بلبن منغلي الروب و منحطن هني و مثلجين ما منفكن بيفرطو
يلي بدو فيديوهات مفصله يدخل هون .👇🏻👇🏻👇🏻 #كبه_فاطمه_كتشن
.
.
مكونات كيلو التحويجه : .
.
نص كيلو كمون حب/ ١٠٠ غرام فلفل حلو /١٠٠ غرام فلفل اسود/١٠٠غرام نعنع يابس /٥٠ غرام فلفل حر احمر/ مردكوش ١٠٠ غرام/ درسين عيدان ١٠٠ غرام /حبتين جوزة الطيب/ كمشة ورد يابس متل يلي بزينو في المهلبيه
منطحن الكمون بعدين والفلفل الحلو بعدين والفلفل الاسود و القرفه ( درسين) و جوزة الطيب
يعني كل نوع منطحنو لحالو
النعنع اليابس بئيدنا و المردكوش اليابس بئيدنا والورد اليابس عئيدنا
نخلط كل انواع البهار وبسير عنا خليط بهار اسمو تحويجه
..
.#أقراص_كبه_فاطمه_كتشن