《مچبوس ريش》
.
المجبوس طبق معروف وطريقته وحدة مالها ثاني .. بس اليوم قلت خل اجرب اسويها بالريش (اهي معروفه بالدجاج او اللحم قطع كبيرة) وقلت اغير عن البهارات التقليدية واستخدم معجون المچبوس من ام اف 😉👌
.
@mffood
.
#وصفات_كلحه #مجبوس_كلحه
.
◾(تحضير الريش)
.
🔹️الريش غسلتهم وفركتهم بالفلفل الاسود
.
🔹️بعدها حطيت ملعقتين كبار من معجون المجبوس من ام اف وقلبتهم شوي مع زيت .. وقلبت الريش اقل من دقيقه لكل صوب
.
نزلت عليهم ماي وعند الغليان غطيتهم وسلقته عادي حوالي 20 دقيقة
.
◾(تحضير حشو المجبوس) _ (الخلطه)
.
🔹️في مقلاه حطيت البصل مفروم خشن بدون زيت .. بس يادوبك رشة ماي ونتركه علي نار عالية وكل ما يجف نرش عليه ماي لمن يذبل .. بعدها نحط زيت نباتي بس شوي ونكمل تقليب
.
🔹️ننزل الزبيب او الكشمش المنقوع (واضافه من عندي حطيت نتفه تين وتمر) والحمص او النخي المجروش المسلوق مسبقا والبهارات (كركم، ملح، فلفل اسود، دارسين وممكن لومي اسود مطحون) بعدها اختياري نضيف منقوع الزعفران وماء الورد ونخلطهم واغطي القدر خمس دقايق نار هادية
.
◾(تحضير العيش) _ (الرز)
.
🔹️حطيت بالجدر شوي سمنه وقلبت معاها العيش المغسول والمنقوع نص ساعه مسبقا .. قلبت الرز علشان يتغلف بالدهن .. نزلت عليه من ماي سلق الريش بحيث يغمره بسانتي تقريبا .. وكالمعتاد بس شرب الرز معظم الماء اغطيه واقصر النار عالااااخر واخليه حوالي نص ساعه يستوي
.
◾(بالنسبه للريش)
.
🔹️بعد السلق حطيته بصينية للفرن ودهنته عالصوبين جيدااااا بالخليط التالي (زبدة وماء ورد وزعفران) .. دخلتهم الفرن .. اشعل من فوق بس يتحمر دقايق معدودة .. وبالعافية 😊👌🏻
.
.
#٢٠١٨_كلحه
