《مربى الكرز》
.
من اطيب المربيات اللي ممكن تمر عليكم .. اهو ومربى القراصيا والسفرجل .. اعشقهم ولولا الخوف من السكريات والسمنه لكنت اكلته بالملعقه من زود ماهو #لذيذة_لذاذة_اللذوذين_كلهم😋👌
.
#مربى_كرز_كلحه
.
ببساطه: نص كيلو كرز منزوع النواة وفي كم حبة صغييييرة حيل خليتهم بالبذر عادي ترى المربى المنزلي جذي يكون
.
اضفت كوب ونص سكر وعصير ليمون يمكن ملعقه كبيرة على نار متوسطه الى مرتفعه .. لمن طلع كل الماء منه وصار يسبح فيه
.
قصرت النار للوسط او اخف شوي من وسط نص ساعه يطبخ عالراحه
.
بعدين حركته شوي وخليته نص ساعه ثانية وتحته حديدة اضافية لتخفيف الحرارة على نار هااااادية
.
صبيته هو وساخن بمرطبان زجاج لازم .. وتركته يبرد بعدين غطيته وبالعافية 😊👌🏻
.
#٢٠١٨_كلحه
