《براون بتر كوكيز》
.
هذي الكوكيز مختلفه عن اي كوكيز انا سويتها .. لييش ؟؟
.
لان الزبدة المستخدمه حطيتها بقدر صغير على نار هااااااادية وذوبتها
.
ذابت وخليتها عالنار .. واول مابدأت تتحول للون البني رفعتها مباشرة وصبيتها بطبق وخليتها تبرد وطبعا بتجمد بس ماراح تجمد وتتحجر .. وعندها استخدمتها بالوصفه
.
لاتتخيلون النكهه تنقلب مليون درجه شلون .. شي خطير .. كل الخوف انكم تحرقون الزبدة .. انتبهوا
.
وصفه تستاهل و #لذيذة_لذاذة_اللذوذين_كلهم😋👌
.
المقادير:
.
🔸️١٢٠ جرام زبدة بنية
🔸️⅔ كوب سكر بني
🔸️½ كوب سكر ابيض ناعم
🔸️2 م.ص فانيلا سائلة
🔸️1 بيضة
🔸️1 صفار البيض
🔸️2 كوب دقيق متعدد الاستعمالات
🔸️½ م.ص كربونات صودا
🔸️نص كوب حبيبات الشوكولاتة
.
#كوكيز_كلحه
.
◾الطريقة:
.
🔸جهزوا صينية قصيرة الحواف ومفروشه ورق زبدة
🔸يحمی الفرن مسبقا 180 درجه
.
🔸اخلطوا النواشف بطبق منفصل وهم الطحين والصودا والملح
.
🔸بالخلاط الكهربائي ركبو شبك التقليب وليس الخفق واخلطو الزبدة والسكر النوعين .. حوالي دقيقتين حتى يصبح كريمي مع مراعاة مسح الحواف اذا علق فيها الزبده ونكمل خفقها
.
🔸اضيفوا الفانيلا والبيض والصفار بالتدريج يعني حبه نخلط وبعدها نضيف الصفار واستمرو بالخلط
.
🔸الان اضيفوا النواشف واخلطوا بالملعقه باليد حتی يتجانسو ومافي مشكله لو بالخلاط يساعدكم بالخلط
.
🔸اضيفو قطع الشوكولاته واخلطوها بالملعقه حتی تتداخل بالمزيج
.
🔸صبوا بالصينية مقدار كرة صغيرة (الافضل استخدام ملعقه الايس كريم)
.
🔸خلوهم بعيدين عن بعض حوالي انش … وبالفرن حوالي 15 دقيقه الى 20 دقيقه فقط ويمكن اكثر بدقيقتين مثلا
.
🚩 انتبهوا لان اكثر الناس تفشل معهم لما يشوفون الكوكيز طرية من فوق عبالهم ما استوت وساعتها تحترق من تحت .. راقبوا قاع البسكوت بس يشقر طلعو الصينيه علطووول وبالعااافيه😊
.
.
#٢٠١٨_كلحه
