《حرّاق اصبعو》
.
هذي وصفتي بحلقة برنامج سفرتنا امس .. وهي وصفة من بلاد الشام بالتحديد سوريا .. وارجع اقول انها تختلف عن وصفة (محروق صبعه) الكويتية برغم تشابه الاسم شوي
.
🚩 لف الشاشة يسار ⬅️⬅️ لمشاهدة فيديو قديم رجعت نزلته
.
◾مقادير الخلطه
.
🔹بصله كبيرة مفروم ناعم
🔹راس ثوم مفروم ناعم
🔹كوب معكرونه مسلوق اي نوع (استخدمت الاصداف الصغيرة)
.
⚠️ مافي شك ان قديما كانو يحطون قطع عجين صغيرة بس بهالايام وعصر السرعه ممكن الاستعاضه عن العجين بالباستا وتعطيكم نتيجه ممتازة وانتو احرار بالاخر
.
🔹خبزة واحده مقطعه مربعات صغيرة ومحمصه بدون تحمير
🔹زيت زيتون
🔹ملح فلفل كمون كزبرة بودرة حسب الرغبة
🔹كوب ونص عدس مغسول ومسلوق بلتر ونص ماء
صلصة تمر هندي (صبار) جاهز .. استخدمت خلطة جاهزة من ام اف
@mffood
.
◾مقادير الزينه او التوبنغ
.
🔹بصل جوانح رفيعة مقلي
🔹كزبرة فريش مفروم
🔹4 حبات ثوم مدقوق
🔹خبز محمص او مقلي
🔹حب رمان
.
◾الطريقة:
.
🔸️بقدر عالنار نحط زيت زيتون ونقلب البصل والثوم مرة وحده لمن يذبلو شوي بدون ما يتغير لونهم كثير
.
🔸️نضيف العدس بالماي اللي فيه (مسبقا نكون نظفنا العدس وغسلناه ونسلقه بالماء)
.
🔸️اول ما يرجع يغلي الخليط نضيف المعكرونه المسلوقه مسبقا طبعا بس لاتخلونها تهتريء .. واضفت الخبز المحمص مسبقا بدون تحمير وممكن اضافته بدون تحميص عادي
.
🔸️نقلب الجميع حتى يرجع للغليان
.
🔸️الان نضيف سائل التمر الهندي المتعارف عليه بالكويت باسم (صبار)
.
🔸️ونضيف شوي دبس رمان .. مع ان التمر هندي يغني عنه بس كيفكم
.
🔸️اضفت شوي كزبرة فريش لمزيد من النكهه وعدلت الملح واضفت شوي كمون وكزبرة بودرة
.
🔸️في هذي المرحله حسيت ان الخليط سائل زيادة فقمت بهالخطوة👇
.
🔸️ذوبت ملعقتين طحين بشوي ماء واضفتهم وعلطووول جمد الخليط وصار ثقيل بس ديرو بالكم مو وايد⚠ وترى مو دايما نحتاج هالخطوة
.
🔸️خلصت الطبخه وبدأت بتحضير التغطية وكل مقاديرها جاهزة .. فقط بشوي زيت زيتون قلبت ثوم وكزبرة فريش بدون مايتغير لونهم وايد بس قلبتهم تقليب وحمستهم شوي
.
🔸️حطينا الخلطه بالطبق واضفت جميع مكونات التوبنغ على ذوقي .. في ناس تحب البصل المقلي وفي ناس تحب الكزبرة والثوم اكثر .. كل واحد وكيفه
.
🔸️شوفوا لونها روعه ماشالله والوصفه اساسها العدس والتمر الهندي او دبس الرمان بس انا افضل التمر الهندي
.
وعليكم بالف عافيه 😊👌
.
.
#حراااق_اصبعو_كلحه
