لازانيا بطاطس
النهاردة هنعمل لازانيا … بس مش اى لازانيا … دى لازانيا بطاطس …. ازاى! تعالى احكيلك
المكونات والمقادير
(مقادير اللحمة)
- بصلة مفرومة
- معلقة كبيرة ثوم مفروم
- زيت
- نص كيلو لحمة مفرومة
- ملح، فلفل، زعتر
- معلقة كبيرة صلصة.
- ربع كيلو مشروم
طريقة التحضير
هنشوح اللحمة بعدها البصل و الثوم و المشروم و الصلصة فى الاخر
هنجيب بطاطس نقطعها شرايح رفيعة جداً و نسيبها فى مياه.
هنجيب نص لتر كريمة لبانى و ممكن كمان نعملها ببشاميل خفيف هتبقى حلوة و نبدأ نرص الصينية.
موتزاريلا على الوش و نغطى بفويل و ندخلها الفرن لحد ما تستوى تماماً
كدة هيبقى عندنا اكلة لطيفة و مختلفة … شبه الجراتان مع فروقات بسيطة .. جربوها و قولوا لنا رأيكم 😍😍😍
