كوكيز بالزبدة البنية
وصفتنا اليوم كوكيز بالزبدة البنية 🍪😋
المقادير
- ٢٠٠ جرام زبدة (اصبعين)
- نص كوب سكر ابيض
- نص كوب سكر بني
- بيضتين
- كوبين ونص دقيق
- ملعقة صغيرة ونص بيكنج باودر
- ملعقة صغيرة بيكنج صودا
- رشة ملح
- ملعقة صغيرة ڤانيلا
- ٥ حبات جالكسي بالحليب
- ٥ حبات جالكسي دارك
طريقة التحضير
نذوب الزبدة على نار متوسطة لين تصير بنية ومع التحريك المستمر عشان ماتنحرق ونتركها تبرد
نخلط الدقيق والملح والبيكنج صودا والبيكنج باودر
مع بعض ونخليهم على جنب
نخلط السكر الابيض والبني مع الزبدة بعدين نضيف البيض بالتدريج ونضيف الڤانيلا ونخلط
نضيف الخليط الجاف ومانكثر خلط
ونضيف الشوكولاتة
نكور العجينة ونشكلها ونحطها بصينية
وندخلها الفريزر ٢٠ د
بعدين نخبزها على حرارة ٣٥٠ فهرنهايت
او ١٨٠ مئوي نار من تحت لمدة ١٠ الى ١٢د
واذا حابين تاخذ لون من فوق نشغل الشواية
في اخر دقيقة
بعد ماتطلع من الفرن نضيف رشة من رقائق الملح
البحري اختياري
الكمية تسوي ٢٠ حبة وزن الوحدة تقريبا ٦١ جرام
