العجينة النحيفة (الكراكلين)•
80غم سكر بني/85غم دقيق/70غم زبدة 🧈
أعجن المقادير مع بعض، ثم أفرد العجينة وأخليها بالسمك المطلوب وأدخلها الفريزر نص ساعة عشان تجمد ❄
•عجينة الشو:
115غم زبدة🧈/240مل موية/½ ملعقة صغيرة ملح🧂/1½ ملعقة صغيرة سكر/130غم دقيق/4 بيضات🥚
بقدر على النار أحط الموية والزبدة والملح والسكر وأحركه لين يفور ثم أضيف عليه الدقيق وأقلب بسرعة لين أحصل على قوام متماسك👌🏻
أصب الخليط بزبدية وأضيف عليه البيض بالتدريج وأقلب (القوام المطلوب يكون ثقيل، ولما أرفع الملعقة ينزل الخليط بشويش ويكون على شكل ٧)
أشكل العجينة وأحط فوقها طبقة من العجينة النحيفة وأدخلهم الفرن من تحت على حرارة 370F/190c لمدة 35 دقيقة (كل 3 دقايق أفتح الفرن لاستخراج الرطوبة، بحيث بعد الخبز ماتهبط العجينة وتكون منتفشة)👍🏻
بعد ما أطلعها من الفرن أخليها تبرد وأحشيها بكريمة الكاسترد ثم صوص البرالين الجاهز ومن برا أحط عليها كريم وأغمسها بالمكسرات المكرملة 😍
•كريمة الكاسترد:
3 صفار بيض/35 غم سكر ابيض/ 15 غم نشا
أخلطهم جميع وبقدر على النار أحط 220 مل حليب سائل و 70 غم كريمة خفق وأحركهم ثم قبل يوصل مرحلة الغليان أشيله من النار وأضيفه على الخليط الأول بالتدريج وأخلط كويس وبعدها أرجع الخليط على نار هادية وأحركه بشويش لين يثقل، وأحطه بصحن وأغلفه (أخلي الغلاف يلمس وجه الكاسترد عشان ما يتكون قشرة) وأخليه لمدة لا تقل عن ساعة 👌🏻
بعد ما أطلع الكاسترد أخفق كريمة خفق لين تنتفش ثم أضيف عليها من الكاسترد (حسب الرغبة)
•المكسرات المكرملة:
لوز صنوبري وعادي محمصات وأذوب سكر لين يتكرمل ثم أضيف المكسرات على السكر وأخلطهم كويس وأفردهم بصينية لين يكون يابس ثم أفرمه بالفرامة لكسر صغيرة
