فتة شاورما ميكس
النهاردة هنعمل اسهل و اسرع فتة شاورما ميكس
(مقادير الأرز)
- زيت
- كوبايتين ارز
- كوبايتين و نص مياه
- ملح، فلفل
- مكعب مرقة
هنشوح الأرز فى الزيت و نحط الملح و الفلفل و مكعب المرقة و بعد كدة منزل بالمياه تكون مغليه و نسيب الارز ياخد غلوة كدة بعد كدة نوطى النار و نغطى لحد ما يستوى.
(مقادير الصلصة)
- زيت
- معلقة كبيرة ثوم مفروم
- ربع كوباية خل
- ٤ طماطم معصورين
- معلقة كبيرة صلصة
- ملح و فلفل
هنشوح الثوم فى الزيت لما يحمر شويه نحطله الخل و ننزل بالطماطم المعصورة و الصلصة و الملح و الفلفل و نسيبها تتسبك.
بعد كدة بقى هنجيب الشاورما الخطيرة بتاعة (فورك) اللحمة و الفراخ، ممكن نحطهم فى المايكروويڤ بس انا فضلت إن أنا اسخنهم على النار و بجد كأن الشاورما لسه نازلة من على السيخ حالاً، طعمها حلو جداً، إختراع
نركب الفتة بقى الأرز مع العيش المحمر و عليه الصلصة و نتوجهم بالشاورما الخطيرة بتاعتنا و ناكل احلى و اسهل و اسرع فتة شاورما ميكس زى بتاعة بره … جربوا منتجات (فورك) و جربوا الوصفة و قولوا لنا رأيكم 😍😍
