مصابيب البصل و الفليفلة
تقولون مصابيب ولا مراهيف 😅 ؟؟
انا ضعت بالوصفه مراهيف واقول مصابيب 🤣 اهم شي انها اكله لذيذه و خفيفه
انا اللي اعرفه الخليط السايل اللي يصب سواء كبار او صغار نسميه مصابيب .. و المراهيف هي خبز القرصان الرطب اللي يرق باليد .. هذا اللي اعرفه من زمان و انتم وش تقولون 😁
🥞🥞🥞🥞🥞🥞🥞🥞🥞
مصابيب البصل و الفليفلة
بدون سكر ولا بيض و لا حليب ولا زيت
المقادير
بالخلاط نحط:
- بصله و فليفلة حمراء 🌶 او خضراء🫑 بارد او حار حسب الرغبة انا حطيت بصل و فليفلة حمراء بارده
- وحطيت ٣ اكواب ماء و نخلط و نحط
- ربع ملعقة صغيرة خميرة
- ربع ملعقة صغيرة بيكنج بودر
- و ملعقة كبيرة عسل
- و نحط دقيق أسمر بالتدريج تقريبا كوبين و الخلاط يشتغل
و نصبه في طاسه و نتركه يتخمر حول الساعتين الى ٤ ساعات
ثم يصب على صاج او مقلاة ساخنه جدا و نمسحها بشكل دائري و يقلب ليتحمر من الجهتين
ممكن نكسر عليه بيضة و نحط جبن و نلفه كأنه خبز خفيف و صحي باذن الله و صحه و هنا
