نصف ذبيحه بالفرن.
سويت نصها مع الراس.
وصفة سهله ولذيذه.
تبلت الذبيحه بهارات صحيحه حمستها ودقيتها
دارسين كزبرا مسمار هيل ورق غار فلفل اسود
ومسحت البهار بالذبيحة ما كثرت لانها فرش
الخضار حطيت كوسا جزر بصل بطاط ثوم
الصلصه نصف علبة معجون مع صبار ليمون شوي زيت زيتون ملح كركم فلفل اسود كركم شوي بابريكا ضيفو اللي تحبون.
وحطيت الذبيحه عالخضار وغطيتها بورق الزبده والقصدير وبالفرن بس تحت.
طبعا يبيلها وقت اربع ساعات
انا خليتها ثلاث ساعات وشوي .
العيش حمست بصل ضفت كمون حب دارسين عود جزر ورق كاري وحمست ضفت العيش وماي سلق اللحم عندي من قبل ملح.
وطبعا مع اجمل لقطه ونچبة العيش
والعيش اللي بروووحه يتفچچ .
ما شاء الله .
تقدرون تسون هالوصفه مع الدجاج او قطع اللحم .
وبالعافيه.
