من بعد ما حضرنا السمبوسة بالفيديو السابق حبيت اقدملكم ثلاث حشوات مميزة للسمبوسة 👌
حشوات السمبوسة
١- حشوة الاجبان:
( هي حشوة بتخلي قوام الجبنة اطيب وكميتها تكون اكبر)
اضفت معلقة كبيرة زبدة مع معلقة وسط من الطحين وبس حركتهم سوا اضفت كوب الا ربع حليب سائل وبس ثقل القوام اضفت كوب من جبة الموزريلا واخر شي حبة البركة
٢-حشوة الدجاج:
بنشوح بصل مفروم وثوم بزيت الزيتون
بننزل بالدجاج المفروم مربعات صغيرة والمتبل (ملح، فلفل اسود، ثوم وبصل بودرة، بابريكا، كزبرة، عصير ليمون، زيت زيتون)
بنضيف الخضار حسب الرغبة اضفت الفليفلة والجزر المستوي نص استواء
كزبرة خضرا
نتبل الملح حسب الذوق
بنحطها بمصفاة لتتصفى من كل السوائل قبل استخدامها
٣- الحشوة الهندية:
بمقلاة بنحط الزيت بعدها بنضيف بصلة مفرومة ناعم وثلاث فص ثوم مهروس ومعلقة صغيرة زنجبيل مهروس لحتى يذبلوا بنضيف فلفل حار مفروم حسب ذوقكم وكوب بازيلا مسلوق وثلاث حبات بطاطا مسلوقين ومهروسين واخر شي بنضيف التوابل (ملح،فلفل احمر بودرة، مسالا، كاري،الكمون) واخر شي بنضيف كزبرة مفرومة بنحركهم وع قلبكم بالف عافية.
