صينية الرز بالدجاج والخضار والكريمة
الصينة هذي قمة في اللذاذة لازم تجربونها
موجوده في حسابي اكثر من مره بس اليوم خليت طبقة الرز بس تحت والدجاج والخضار فوقه
اول شي صحن صدور دجاج المراعي نقطعه صغار ومع بصل على النار وزيت زيتون ونحرك بس يبدا يتغير لونه نضع الثوم والطماطم ومعجون الطماطم ونقلب ثم نضع كمون وملح ويهار ابيض وفلفل اسود وماء ونتركه يطبخ ربع ساعه ثم نضع خضار صغيره جزر وبازلاء وفاصوليا وكوب كريمه ونخليه على نار هادئه
نغسل الرز تقريبا ثلاث كوبين وينقع ربع ساعه ثم يصفى ونطبخه مع ملعقة سمن وهيل وقرفه وقرنفل ورق غار وملح وفلفل اسود بطريقتكم المعتادة
نجهز طبقة الكريمة
بالخلاط علبة قشطه وثلاث ملاعق جبن كاسات ورشة فلفل اسود وبهار ابيض وفنجان كريمه
نجهز الصينية اللي ندخلها الفرن
او طبقة نضع قليل من من الدجاج في قاع الصينية
ثم طبقة الرز
ثم طبقة الخضار بالدجاج
ثم طبقة الكريمة ورشة بابريكا وندخلها الفرن من تحت ربع ساعه
ثم نحمرها من فوق تقريبا عشر دقائق
وتقدم بالعافيه
