للعجين استخدمت عجينة العشر دقايق بس
استبدلت بعض المكونات
🍕لمقادير العجين: استخدمت كوب معياري ٢٥٠مل
بوعاء العجن بنحط
- ملعقة كبيرة سكر
- معلقة كبيرة خميرة فورية
- كوبين طحين (٢٦٠غ)
- كوب ماء دافي مع كوب ماء دافي
بنحركهم وبنغطيهم عشر دقايق.
بعد عشر دقايق بنحط
- ثلاث اكواب طحين (٣٩٠غ)
- نصف كوب زيت زيتون
- رشة ملح
بعجنها لمدة ٨ دقايق بعدها بضيف عليها كوبين من الزعتر الاخضر والجبن النابلسي المنقوع والمبشور والمصفى وبنعجن العجين مرة ثانية لمدة دقيقتين بنغطيها وبنريحها ساعة كاملة.
بعد ساعة : بنقطع العجين لاربع اجزاء متساوية وكل ربع منقطعو ل ٦-٧ قطع متساوية وزن القطعة ٥٠غ.
بنوخذ كل قطعة وبنفردها وبنحشيها بالاجبان (استخدمت النابلسي مع الموزريلا) وبنسكرها كثير منيح وبنشكلها ع شكل قرص دائري وبندهن الوجه الحليب السائل ورشة حبة البركة.
بعد مرور خمس دقايق وهمة بالفرن بندهن الوجه بزيت الزيتون وبنرجع الفطاير كمان ٥ دقايق تقريبا بوخذوا من ١٠-١٢ دقيقة.
بس نطلعهم من الفرن بنغطيهم بفوطة رطبة لمدة عشر دقايق وع قلبكم بالف عافية. ❤️
