قبل كل شي هذا الفيديو كامل المفروض خلطة جوز الهند اما صبيتها انزل على طول نفس الوقت تحت لكن ما انزلت 😂 ما راح اخش عنكم .
النتيجه روعه ولذيذه ومو ناشفه.
..والنقطه الثانيه ما احب اسوي خلطة الكيك بالبلندر لان دائما تضبط معاي احب اسوئها بالمكينة اليدويه.
راح ارجع اسوئها معاكم لازم اضبطها لانها وايد لذيذه.
بحطلكم المكونات وطبقوها تستحق.
المكونات:
اول شي علبة حليب مكثف مع ٨٠ غرام جوز الهند .يعني كوب .
نخلطهم ونحطهم على جنب.
استخدمت المكينه اليدويه افضل ويصير بالبلندر
اربع بيضات + مع قالب زبدة مملحة
نص كوب حليب سائل او ١٠٠ غرام .
كوب سكر او ١٣٠ غرام .
ونخلط .
بعدها ضفت كوب حليب جوز الهند او ٢٠٠ غرام .
ونخلط .
كوب كاكاو العادي بدون سكر او ٩٠ غرام ونخلط
اخر شي كوبين طحين او ٢٠٠ غرام مع ١٤ غرام بيكن بودر يعني ملعقة متروسه وتنخلونهم
وعلى دفعات تحطونهم .
ماعون الفرن تدهنونها بالزبده
وتصلون خليط الكيك وفوقه خليط جوز الهند.
وبالفرن يكون حار مسبقا درجة الحراره ١٨٠
لمدة ٥٠ دقيقه انا خليتها ساعه.
وهذا الشكل النهائي.
اذا شفتو الخليط ثقيل زيدو حليب سائل شوي .
طبقوها وصورولي ان شاء الله معاكم اصير اضبط.
راح ارجع اسوئها لانها وايد لذيذه.
