يعني معقول يجي العيد وما نعمل معمول العيد الفاخر 👌 امدحو كثير والا نكتفي بالمشاهد المرفقة 😌
معمول الطحين
بتمنى تنتبهو عكل الملاحظات مش بس المقادير 🙏🏻
الوصفة بدون خميرة 🌻
المقادير
– كيلو طحين (١٠٠٠غ)
(بالاكواب كل كوب مقاس ٢٥٠ مل يساوي ١٣٠غ طحين يعني تقريبا ٨ اكواب معيارية الا شوي)
– نصف كيلو سمنة للطعم الاطيب حيواني وبحرارة الغرفة ولو متوفر النباتي استخدموا الفرق فقط بالطعم
بنخلطهم ع الايد بدون عجن فقط نلم العجين لتصير مثل عجينة البيفور او اذا متوفرة العجانة استخدموا العجانة مضرب ال k
بعد ما نخلط الطحين والسمنة بنضيف معلقة كبيرة محلب بنلم العجين و(ضروري) تدخل ساعة الثلاجة
بعد الثلاجة بنرجع نطريها بالايد او ع العجانة مضرب ال k لترجع بحرارة الغرفة
بعدها بنخلط ٢٠٠ مل ماء بارد مع كوب سكر بودرة وبنضيفهم ع الخليط واخر شي بنضيف ربع كوب قطر ثقيل
ممكن تشتغلوا بالعجين مباشرة وممكن تريحوها بالثلاجة وتطلعوها قبل بوقت لترجع بحرارة الغرفة
يخبز المعمول ع حرارة ٢٢٠ بالرف العلوي ليوخذ اللون ولا تحمروا زيادة حتى ما ينشف المروحة بالافران الكهرباء ومن فوق ثم تحت الافران العادية
نصيحة: استخدموا قوالب خشبية قوية والاجمل بهالمعمول النقش 👌
– حشوة التمر:
التمر بنضيف عليه معلقة كبيرة ونص سمنة ومعلقة كبيرة دقة المعمول
– حشوة الفستق الحلبي:
لا تطحنوا الفستق كثير ناعم حتى ما يصير مثل حشوة المعمول احتجت نصف كيلو فستق حلبي اضفت عليه معلقة كبيرة سكر بودرة بنحركهم وبنزل عليهم كوب قطر بالتدريج لتلم العجين بنضيف ماء زهر او ورد حسب ذوقكم ومعلقة سمنة كبيرة حتى ما تلصق بايدكم
وكل عام وانتم بخير❤️
