اختصرت عليكم البرياني في هالوصفة لذيذ وسهل
الفكرة مأخوذه من نوع من انواع البرياني اسمه امبور
يطبخ بمثل الطريقة لكن بدون بطاطس ومع نوع ارز اسمه سيراجا سامبا
هني استخدمت البسمتي الحبه الطويله المعتاد
– تتبيلة الدجاج :
دجاج مقطع بدون جلد مع بطاطس اختياريه
اضيف عليها البهارات بهار برياني وكزبرة وكمون وكاري وفلفل احمر وملح
اضيف حبة طماطم مقطعه استبدلتها بطماطم معصوره جاهزة
اضيف عليهم معجون وثوم ومعجون طماطم ملعقة
مع ملعقتين كبار زبادي ونص علبة كريمة طبخ
بعدها اسخن زيت واضيف حبتين بصل شرايح
بعد مايتغير لونه ارفع نص للتقديم والنص الثاني اضيف عليه خليط الدجاج
بتركه يطبخ مدة ١٠ دقايق بضيف عليه الفلفل والنعناع والكزبرة الفرش
بضيف الجرام مسالا بديلها البهارات السبعه او بهار صحيح
بضيف شوي كركم وبرفع جزء من الخلطه
اضيف الارز مغسول ومنقوع مع ملح وبهارات صحيحة
اضيف ماي يغطيه واتركه يطبخ على نار عالية
بعد مانشف الماي اغلبه اضفت صبغة مع ماي ورد وزبدة
خليت النار هادية وتركته يطبخ ٢٠-٣٠ دقيقه ويقدم
الي رفعته من الخليط اضفت عليه باقي علبة الكريمة ووازنت الملح وقدمتها كصلصة جانبية لذيذة للبرياني وبالعافيه
