المقادير
- افخاذ دجاج منزوعة الجلد
- ٣ اكواب رز بسمتي
- كوب طماطم مطحونة
- ملعقتين اكل معجون طماطم
- حبة بصل كبيرة مفرومة مكعبات صغيرة
- ٣ فصوص ثوم مفروم ناعم
- البهارات: ملح وكركم وكمون وفلفل اسود وفلفل احمر
- زيت وزبدة
- نص كوب زرشك
- زعفران وسكر
طريقة التحضير
اول شي نسلق افخاذ الدجاج في موية بحرارة الغرفة مع ملح الى ان يتغير لونها تقريبا ١٥ دقيقة وبعدها نخرجها من الموية ونجيب طاوة نحط فيها زبدة وزيت زيتون ونحمر الافخاذ من الجهتين كل جهة تاخد تقريبا ٣ دقايق على نار متوسطة وبعدها نشيل الافخاذ وفي نفس الطاوة نضيف البصل والثوم وبعدهم معجون الطماطم والطماطم المطحونة والبهارات ولما يتسبكو نضيف عليهم الافخاذ وموية حارة ومنقوع الزعفران ونغطي القدر وعلى نار هادية الى ان يستوي الدجاج
منقوع الزعفران
شوية زعفران مع رشة سكر نطحنهم وننقعهم في موية حارة ١٠ دقايق وبعدين نستخدمهم
طريقة الزرشك
نجيب طاوة ونحط فيها زبدة وعليها الزرشك وملعقة اكل سكر ونكرملهم شويا واخر نضيف ملعقتين اكل من منقوع الزعفران ونشيلهم على جمب لوقت التقديم
الرز
ننقع الرز في موية بحرارة الغرفة لمدة نص ساعة وبعدها نجيب قدر ونحط فيه موية وملح فقط واول ما المويه تسير حارة نضيف الرز المنقوع مع الملح ،، ماياخذ وقت كثير نبغا الرز يستوي ٧٠٪ وبعدها نصفيه من الموية وفي نفس القدر نحط شوية زيت ونرجع الرز ونحط نص كوب مويه او حسب كمية الرز اللي عندكم يعني شي بسيط ونغطي القدر بمنشة وغطاء القدر ونخليهم على نار جدا هادية لمدة ١٥ ويفضل بعد مانقفل النار مانفتح الغطاء مباشرة نخليه كمان ١٠ دقايق يرتاح وبالعافية عليكم
