كورما ابيض
كورما و ما ادراكم ما الكورما شافين كيف مقادير سهله لكن كل خطوه ماخذ حقه و هالشي هو سبب نجاح الوصفه و شهرتها 😃👌للي ما يفضلون الطماط او الي حاب وصفه سهله سريعه لكم الطعم 😋 حلوووووووو جدا
المقادير
- لكل ٨٠٠ غ ٢دجاج
- ٢ بصل كبار
- ربع كوب كاجو و هيل اخضر ٤
- زبادي كوب كريمه الطبخ ١/٢ كوب
- ثوم و زنجبيل معجون ٢ م ك
- بهارات صحيحه : عود قرفه ، هيل اسود ٢ ، قرنفل ٤ ،كمون ١ م ك ، فلفل اسود ١م ص .
- قرم ماسالا ١ م ك
- ملح ١ م ص
- كركم ١/٢ م ص
- فلفل احمر على حسب الرغبه
طريقة التحضير
نصب زيت في قدر و نضيف شرايح البصل الى ان تقرب تتحمر ثم نضيف الكاجو و الهيل نقلب دقيقه نرفعهم الى خلاط و نضربهم مع قليل من الماي
في نفس الزيت نضيف بهارات الصحيحه و نقلب ١/٢ دقيقة ثم نضيف معجون الثوم و زنجبيل و نقلب شوي ثم نضيف الدجاج و نقلب لين يحمر على خفيف ، ناخذ الزبادي نضيف عليه كركم و ملح و نخلط مع كريمة الطبخ ثم نضيفه الى الدجاج و عليه نضيف ٣/٤ كمية خليط الكاجو و البصل مع قرم ماسالا و نقلب ل دقيقه ثم نغطي على نار واطيه لين يبدا يتسبك الايدام و ترتفع لحمه الفخذه نضيف باقي كمية خليط الكاجو مع كزبره خضراء نقلب ل دقيقه و بالف عافيه
