مكرونة مبكبكة بالبشاميل
احنا نسميها مجبوسه ان كل شي على بعض والخضار كلها اضافية حسب رغبتكم ممكن تلغونها
– مقادير البشميل :
- ربع كوب زبدة
- ربع كوب دقيق
- نص لتر حليب سائل ( كوبين )
- ربع م ص ملح
- رشة فلفل اسود
- اضافات اختيارية :ربع م ص بودرة بصل + ربع م ص بودرة ماجي
طريقة التحضير
اسخن الزبدة اضيف عليها الدقيق
بعدها الحليب بحرارة الغرفة مع البهارات
اخلط الخليط على النار لين يثقل
– مقادير المكرونة :
- نص كيس مكرونة
- صدرين دجاج او صدر الوزن ٤٠٠ غم
- ممكن تسوونها لحم مفروم لكن افضل الدجاج
- حبة بصل مقطعة مكعبات صغيرة
- حبة بطاطس مكعبات
- جزر مقطع مكعبات ماعندي
- مشروم مقطع مكعبات اختياري
- نص حبة فلفل اخضر بارد
- ربع كوب بازلاء خضراء مفرزنه اختياري
- ربع كوب بقدونس
- ٣ ملاعق كبيرة معجون طماطم
- حبة طماطم مقطعه مكعبات
- ماي لطبخ المكرونة
- البهارات حسب الرغبة : كزبرة وكمون وثوم بودرة
- وبهارات السبعة وفلفل احمر وكركم وبابريكا
- تقدرون تستخدمون بهار مكسيكي او مكرونة جاهز
- زيت
- ملح حسب الرغبة
طريقة التحضير
اضيف الزيت واضيف عليه البصل والفلفل لين يشقر
اضيف الدجاج يتحمر بعدها معجون الطماطم والبهارات
بعدها الخضار بعدها الطماطم
اخر شي المكرونة واضيف عليها الماي يغطيها والملح
واتركها تطبخ ١٥-٢٠ دقيقة لين تنضج كل المكونات
اضيف المكرونة في بايركس اضيف جبن تشيدر
وعليها صلصة البشميل و موزاريلا او اي نوع جبن تفضلونه
تتحمر بالفرن وبالعافيه
