الوصفة تختلف عن المندي الاصلي وغير مرتبطه فيه
موجودة هالوصفة في صفحتي من ٢٠١٥ جربوها وراح تدمنونها
اسخن زيت اضيف عليه حبة بصل مقطعة شرايح
بعد ما يذبل بضيف حبة جزر مقطعة او مبشورة
بعد مايذبل الجزر اضيف البهارات استخدمت بهارات ام درر
بهار المندي وكزبرة وكمون وماجي دجاج وثوم بودرة
اضيف الدجاج على الوجه يتحمر بعدها اضيف
الملح وحبة فلفل وماء يغطي الدجاج
الملح والماء والارز في وصفاتي
لكل كوب ارز كوب ونص ماء وملعقة صغيرة معيارية ملح
بعد ما اضيف الماء اتركه ينسلق نص ساعة
بعدها ارفع الدجاج عن المرق واضيف الارز
بعد ماينشف اغلب مايه
اضيف منقوع الزعفران واغطيه ينشف نار هادية ٢٠ دقيقة
بالنسبة لتغطية الدجاج استخدمت معجون التندوري من ياسمينه مع منقوع الزعفران وربع كوب من مرق الدجاج ورشة ملح
الي ماعندها المعجون تستخدم بهار تندوري مع منقوع الزعفران وملعقة زيت ومرق الدجاج والملح وممكن اضافة م ك معجون طماطم
اخر شي احمرها فالفرن ويكون طبقنا جاهز
ملاحظة : بالعادة ادخن الارز بفحم وزيت بس ماكان عندي فحم
