《بودنغ الليمون واللايم》
.
🍋 وصفه سهله وجميله لكل وقت ومقاديرها بسيطه جدا .. جربوها .. متأكد بتعجبكم لانها فعلا #لذيذة_لذاذة_اللذوذين_كلهم😋👌
.
◾المقادير: لعمل اربع اكواب
.
🔸️برش ٢ ليمون اخضر حجم متوسط (لاتستعملو المصري او الحساوي لانه جدا صغير)
.
🔸️برش ١ ليمونه صفرا كبيرة
.
🔸️عصير نفس الليمونات الخضر والصفرا ناخذه مهما كانت كمية عصيرهم
.
🔸️٢ كوب كريمه حامضه (ساور كريم)
.
🔸️كوب وربع حليب مكثف محلى (تطلع نفس مقاس العلبه المعروفه اللي حجمها ٣٧٥ جم)
.
🔸️٢ونص م.ص جيلاتين مذوب بربع كوب ماء ساخن
.
#بودنغ_ليمون_كلحه #حلويات_كلحه #محمد_الكلحه
.
◾التحضيرات:
.
🔹️نحط بودرة الجيلاتين في كوب ونصب فوقه ربع كوب ماء ساخن وبدون تحريك نتركه خمس دقايق
.
🔹️بنلاحظ الجيلاتين ذاب معظمه مو كله .. نحط الكوب بالميكروويف ثواني .. نحركه بالملعقه .. بالتالي راح يذوب ونخليه على جنب
.
🔹️نجي لليمون .. نبرش الليمون الاخضر والاصفر ونحط البرش في طبق عميق ونخليه على جنب
.
🔹️نعصر الليمونات الخضر والصفرا
.
◾الطريقة:
.
🔹️بخلاط الكأس .. نحط العصير ونحط الكريمه الحامضه والحليب المكثف المحلى ونشغل المكينه تررررررررررر
.
🔹️الان نضيف الجيلاتين المذوب بالماء والمكينه شغاله علشان يتجانس بسرعه وما يتكتل تررررررررر
.
🔹️نصب الخليط فوق برش الليمونات .. ونخلطهم بالملعقه (ماحبيت اضيف برش الليمون بالمكينه علشان لاينطحن ويروح طعمه ومنظره)
.
🔹️نصب الخليط بالاكواب ويقعد بالثلاجه ساعه ويكون جاهز للتقديم وبالعافية 😊👌🏻
.
.
حبيتوها؟؟⚘
.
.
