فراكة بطاطا اكله بسيطه ونباتيه . .
الطريقه مصوره فيديو 👇🏻👇🏻👇🏻
#فراكة_بطاطا_فاطمه_كتشن .
فراكة بطاطا
المقادير
- برغل اسمر ناعم كوب
- ٣ حبات بطاطا مسلوقين
- ملح
- ربع اصبع زبده
- معلقيتن كبار زيت زيتون- .
- معلقه طعام تحويجه .
التحويجه متوفره بمطحنة جوهرة لبنان خلف سوق المعلم حولي .
هيك بتعمل امي التحويجه . .
- نص كيلو كمون حب
- ١٠٠ غرام فلفل حلو
- ١٠٠غرام قرنفل
- ١٠٠ غرام فلفل اسود
- ١٠٠غرام نعنع يابس
- ٥٠ غرام فلفل حر احمر
- مردكوش ١٠٠ غرام
- درسين عيدان ١٠٠ غرام
- حبتين جوزة الطيب
- كمشة ورد يابس متل يلي بزينو في المهلبيه
منطحن الكمون بعدين والفلفل الحلو بعدين والفلفل الاسود و القرفه ( درسين) و جوزة الطيب
يعني كل نوع منطحنو لحالو
النعنع اليابس بئيدنا و المردكوش اليابس بئيدنا والورد اليابس عئيدنا
نخلط كل انواع البهار وبسير عنا خليط بهار اسمو تحويجه
منحط البرغل الاسمر الناعم و عليي الزبده و بالبطاطا السخنه لازم تكون سخنه ومنحط الملح و التحويجه ومنحركن كتير منيح اول شي بالمعلقه لانن سخنين بس يدفو شوي بئدينا منعجنن متل العجينه لينهرسو مع بعض منيح .
.. .لما نحط البطاطا السخنه و نعجن البرغل مع البطاطا و الزبده و زيت الزيتون رح يبلش يطرى شوي شوي فراكة اللحم او فراكة البطاطا البرغل فيها بكون متل لما ناكل تبوله في قرشه صغيره غير الكبه النيه بالكبه النيه منرش مي ( ماء) عالبرغل شوي ليتش و يطرى الفراكه غير المهم يلي بحب فيها البرغل كتير طري يعملها وينطر شي ١٠ دقايق و ياكلها رح يطرى البرغل كليا اما الاطيب يكون في قرشه صغيره هيك اصول الفراكه .
هيدي التحويجه .👇🏻👇🏻👇🏻
#تحويجه_فاطمه_كتشن .
بعدين منعمل قراص الفراكه او منقدمها متل صحن الكبه النيه .
#فراكة_بطاطا_فاطمه_كتشن
#كبة_بطاطا_فاطمه_كتشن
