حشوة الدجاج

حشوة الدجاج 🍗 اللذيذة 😋

أول شيء قطعت صدور الدجاج المبرده لمكعبات صغيره بعدين جبت التاوه وخليتها تحتمي 🔥
ثم نزلت الدجاج بدون أي اضافات ولا أحركه أبد أرصّه بالتاوه وبسسسس وأخليه لين أشوفه بدا ياخذ لون ويتماسك أقلبه بالكامل على صحن ثم أرجعه بالتاوه على الوجه الثاني يتماسك شوي ثم أشيله ..
الشغله هذي كلها ماتاخذ مني ولا ثلاث إلى أربع دقايق .
ثم أحط الدجاج بصحن على جنب ..

بنفس التاوه يكون فيه بقايا من تحمير الدجاج أضيف عليها قطعة زبدة وأحركها ثم على طول أضيف ثوم مهروس ” فص أو فصّين ” ثم أحرك بسرعه و أضيف الفلفل الرومي الملون مقطع مكعبات صغيره ..
ثم أضيف ( البهارات + الملح )
البهارات : فلفل أسود ، فلفل أحمر بارد و حار ، شوي من البابريكا المدخنه إذا عندك و شوي من بهارات ماجي الدجاج و شوي من الكركم و نحرك زين زين ثم نرجع الدجاج ونقلبه لين يتسبّك و آخر شيء أحب أضيف
” جبن سايل ” اختياري ..
تصير الحشوه عندي متسبكه مو ناشفه ! أخليها على جنب أحب أضيفها بالساندويتش وهي دافيه وأحط عليها رشّة من الحبة السوداء او السمسم المحمص ..
وأضفت بالساندويتش ( شرائح خس + ملفوف بنفسجي ) ..

نصيحه لا تكثرون صوصات وتضيعون الطّعم لأن الحشوة لذيذذذذذذذه بدون زيادات .. جرّبوها وعطوني رآيكم 😍👌🏻 عليكم بألف عافية .’