حبيبتي سالم ولدي الله يحفظه قالي ماما مابي ورق عنب بزيت الزيتون يبيه بدبس الرمان.
قلتله حاضر من عيوني ما طلبت شي
الخلطة حمست بصل بزيت زيتون بعدها الطماطم ملعقة معجون ملعقتين ثلاث دبس الرمان ملح بهار حلو كزبرا فلفل اخضر حار وشوي احمر. اخر شي حطيت العيش طبعا استخدمت رز مصري وسكرت الچولة.
اخر شي الخضرا كزبرا بقدونس نعناع.
لفيتهم الطريقه بالفيديو واضحة.
الخلطه ملعقة معجون زيت زيتون طبختهم عالنار ضفت نص كوب دبس الرمان عصير ليمون نص كوب ملعقتين سكر اسمر ثلاث اكواب او اربع ماء وصبيتهم.
عالجوله تحطون تحت الجدر حديدة بس يطبخ تقصرون عالنار. خليته ثلاث ساعات عادي كل ما يطول الوقت يصير احلى.
وطبعا هذا الشكل النهائي روعه ضروري تجربون هالطريقه بتعجبكم وبالعافيه.
وعندي لكم فكره ايضا اذا حسيتو ان نشف تقدرون ترجعونه بالجدر وتضيفون ماي دبس الرمان ليمون ماي طبخوه نص ساعه يصير الذ انا سويت جذي اليوم صار الذ الذ الذ.
ما احس عنكم شي تستاهلون كل خير متابعيني .
#وصفة_ورق_عنب_نادية_كوك
#وصفات_لذيذة_نادية_كوك
