صينية سلايدر الدجاج
هذي من الوصفات الي لاااازم تجربونها من كثر ماهي لذيذة
سويت كمية كبيرة بس بعطيكم كمية معقولة
احط في مقلاة زيت وبس يسخن اضيف صحن صدور دجاج مقطع صغار وبس يتغير اللون الى الابيض اضيف البصل وحدة مقطعة ناعم والثوم فصين واتركه لين يذبل ويستوي الدجاج تماما واضيف المشروم مقدار ٣ حبات والفلفل البارد نص وحدة وبس يذبل اضيف نص م ص كل من ملح وفلفل اسود وبودرة الماجي التركي او العادي و بهار مشكل استخدمت ماجيك وكركم واقلب لين تاخذ النكهة اضيف ملعقة مليانة جبن كاسات وربع كوب كريمة طبخ واتركه يتسبك واطفي عنه
اجهز صوص
علبة قشطة و ٣ م ك جبن كاسات اخلطهم
في صينية فرن اصف خبز البرغر استخدمت سلايدر صغار ودهنته بالصلصة الي جهزتها وجبن موزاريلا وحطيت حشوة وغطيته وصبيت باقي الصلصة على الوجه مع موزاريلا ورشة اوريغانو ودخلته الفرن ١٠-١٥ د
وبس كلوه بالف عافية وادعوا لي 😋
