تشيزكيك الفراولة بالليمون 🍓 🍋 🍰
اسهل طريقة ممكن تعتمدونها للخليط التشيز! متامسك وكريمي ومايحتاج اي جيلاتين
اول شي نبدأ بالقاعدة :
استخدمت باكيت ونص من بسكوت الشاي ميموريز
طحنته بالخلاط واضفت عليه نص اصبع زبدة 🧈 ذائبة مع ملعقة صغيرة قشطة ونعجنهم باليد
ونفرده بصينيه التشيزكيك ونتأكد انه متساوي ومضغوط صح
ندخله الفرن من فوق وتحت لمدة خمس دقايق على حرارة ١٨٠ مئوية ، ونتأكد كمان اننا مشغلين الفرن قبل نبدأ التحضير عشان يكون ساخن
خليط التشيز:
- ٢٢٥ جرام جبنة كريمية
- ثلث كوب كريمه حامضة Sour cream
- ثلث كوب سكر
- بيضة 🥚
- ملعقتين طعام طحين
- نص ملعقة صغيرة فانيلا
ونخلطهم بالخلاط اليدوي ونصيفه على البسكوت ، ونبدأ نحضر صوص الفراولة
استخدمت كوب ونص فراولة مقطعة طازجة او مجمدة 🍓
مع ملعقة طعام سكر وملعقة طعام ماء
وعلى نار هادية الى ان تذوب الفراولة مع تحريك مستمر تقريباً ٣-٥ دقايق
بعدها نضيف ملعقتين طعام عصير ليمون
وملعقة صغيرة نشا، نذوب النشا مع عصير الليمون 🍋
ونضيفه على الفراولة وهيا لسه على النار وبس دقيقة ونطفي عنها
ممكن تضيفون سكر زيادة اذا الفراولة حامضة او حلاها خفيف
بالفرن ندخل صينيه متوسطة فيها مويه تقريباً نصها مويه .
وتكون في اخر الفرن تحت، وعلى الشبك نضيف صينية التشيز ونخليها تخبز لمدة ٣٠-٣٥ دقيقة على حرارة ١٨٠ وتأكدو ان الفرن زي ماقلت لكم اول شغال وساخن
بعد كذا نخليها تبرد من ٣ ساعات الى ليلة كاملة اذا حابين
ونضيف عليها صوص الفراولة لو اي صوص تفضلونه جاهز
زينته بالليمون والنعناع وقطع من بسكوت ميموريز اللذيذه🤤
الطعم حكااية ما اوصف لكم قد ايش لذيذ!
بالعافيه مقدماً 🤍🤍 🍓
