وصفه رهيبه وسهله جدا بدون مكينه ولا تررررر ولا غيره .. باليد شوية جق جق جق وانتهينا
تعتبر وصفة حلو قليلة السكر وغنية بالفواكه وتنفع للفطور او كوجبة خفيفه .. ارجو انها تعجبكم .. ومنتظر تطبيقاتكم 😉👌🏻
▪️لقالب تارت او صينية مقاس ١٠ انش
المقادير
- ٣ بيض وفانيليا
- نص كوب سكر
- كوب طحين شيلو منه ملعقه افضل
- كوب لوز مطحون
- رشة ملح
- كوب حليب
- ١٠٠ مل كريمه (اقل من نص كوب بنتفه)
- ٣ ملاعق كبار زبدة ذايبه
▪︎للتحمير .. شوية زبدة ورشة سكر
▪︎وطبعا فواكه .. دراق او كمثرى بس معلبه لان الفريش يابسة وهي بالاصل بالكرز والبيريز وانتو بكيفكم
▪︎الفرن محمي مسبقا حرارة ٢٠٠ من تحت فقط لمدة يمكن نص ساعه الى ٤٠دقيقه
▪︎وعند التحمير نخفف تحت على اقل درجه ونفتح فوق ونرفع الرف شوي لما تتحمر (بعد ماندهن زبدة ونرش سكر)
#محمد_الكلحه #كلافوتي_كلحه #لذيذة_لذاذة_اللذوذين_كلهم😋👌 #حلويات_كلحه
