طبختي من الصومال😍
دجاج منزوع الجلد.
شيلت اللحم واخذت العظم.
بجدر حطيت بصل حبتين فصوص ثوم.
حبتين جزر حبة طماطم.نصف فلفل اخضر بارد .
بقدونس وكزبرا.عظم الدجاج.
فلفل اسود حب وكمون حب وكزبرا حب وعودين دارسين.
عالنار يطبخون تقريبا ساعتين افضل علشان الطعم.
بهالوقت قطعت الدجاج.
وبجدر زيت جوانح بصل حبة بطاطس مقطعه طوال . حبة جزر طوال وحمستهم بعدها حطيت قطع الدجاج وحمست البهارات ملح بهار مشكل كزبرا اخر شي فلفل ملون وصفت عليهم ماي سلق الدجاج مع الخضار ولا تنسون البابريكا .
الشتني الصومالي روعه ولذيذ وتاكلونه مع كل شي 👌👌👌
بصله فلفل اخضر بارد نص وحار واذا عندكم الحار الملون حلو ايضا ثلاث فصوص ثوم كزبرا. ربع كيس صبار اللي اهو تمر هندي .ثلاث حبات طماطم
ربع الى نص كوب اي وبالخلاط.
بعدها عالجوله تطبخونه مع اضافه عليك معجون طماطم.
ضيفو الملح لما تتبخر كل السوائل اخر شي يبيله وقت تقريبا ساعه الى ساعتين
وعلى نار هادية. اخر شي ضفت ملعقة اكل سكر وربع كوب خل .
تطبخونه لما تشوفون الزيت صعد فوق.
العيش طبخته بماي سلق الخضار وعظم الدجاج حمست بصله ثوم عشر حبلة مسمار اللي اهو قرنفل . عودين دارسين
هيل ناعم بهار مشكل حطيت الماي طبخ تالي العيش.
النتيجة روووعة جدا ضروري تجربونها .
وزيت العيش بالبطاط المقلي والزبيب .
وهذي طبختي اليوم من الصومال وان شاء الله تعجبكم ❤️❤️
#وصفة_البيلاف_الصومالي_نادية_كوك
#وصفات_نادية_كوك
