مجبوس هامور ( بحاري )
البحاري هو المجبوس الاصلي او الكبسة الاصليه للسمك مجبوس الطبين الاوليين انك ماتقلي السمك وتخليه
ببطن الرز مايطلع وبعض الاحيان نقول عليه دباغي
الرز المستخدم رز باراك
المقادير:
هامور بصل ثوم طماط فلفل بارد وحار كزبره
البهارات المستخدمة
بهارات سفرة النوخذة / صرار حايل / كركم
الحب : هيل /فلفل اسود/ ليمون اسود / مسمار/ ورق غار
الطريقة:
نغسل الهامور عدل ثم نتبله ملح خشن / ليمون / كركم / بهارات سفرة النوخذة المشكلونتركة اقل شي ساعه كاملة وان زادت يعني نتبله بالليل ونتركه الى ثاني يوم
نحمس البصل ببدون زيت بس مع مويه اذا تغير لونه الى البني الداكن نشيل جزء للحشوة ونضيف الثوم وبعده البهارات الخشنه الطماط والفلفل البار والحار نعطيه شوي زيت مقدار نص بيالة ونبياله ثانيه ماي علشان السمك مايلزق بالقدر توسع للسمك ونحطها ونخليها على نار متوسطة ٥ دقايق على كل وجة نمرق وبعد مابعد الغليان على كل وجه ١٠ دقايق ونكب الرز وعلى نار عالية اول مايرتفع الرز نحط
الحشوة ونكتمه اقل شي ٢٥ دقيقة
الملح اكتفيت بملح السمك لاني مكثر ملح خشن
وبالعافية علينا وعليكم
