《مودرن رويال فكتوريا كيك》
.
جدا رائعه .. اعتمدوها لكيك المناسبات والنيكد كيك والطبقات .. سهله ونتيجتها مضمونه باذن الله و #لذيذة_لذاذة_اللذوذين_كلهم😋👌
.
◾المقادير:
.
🔸4 حبة بيض
🔸225 جرام طحين (كوب ونص)
.
💡 مجرد فكرة (اختيارية) .. نشيل من الطحين ملعقتين كبار ونستبدلهم بملعقتين كبار من نشا الذرة .. مو لازم ترى .. بس النتيجه احلى
.
🔸225 جرام سكر ناعم الحبيبات وليس بودرة (كوب الى كوب وربع)
🔸225 جرام زبدة بحرارة المطبخ (كوب + ملعقه)
🔸2 م.ص باكنغ باودر
🔸️٢ م.ك روب او زبادي
🔸رشة ملح
🔸️1 م.ص فانيلا سائلة
.
#حلويات_كلحه #رويال_فكتوريا_كلحه
.
◾الطريقة:
.
🔹️نركب المضرب الشبكي ونخفق الزبدة والسكر عالاقل ثلاث لاربع دقايق ترررررررر مع مراعاة مسح الحواف من وقت للثاني لان الزبدة تلزق بطبق الخفق علشان نضمن ان كل الكمية اختلطت
.
🔹️نضيف البيض حبه حبه .. وبعدها الفانيلا ونستمر بالخلط تررررر وايضاااا لاتنسون مسح الحواف من وقت للثاني
.
🔹️نضيف خليط الطحين والباكنغ باودر والملح على دفعتين .. وبهالمرحله الافضل تركيب مضرب التقليب (موو الشبكي)
.
🔹️المزيج ثقيل ترى .. لتخفيفه شوي انا من عندي اضفت الزبادي واستمريت بالخلط
.
🔹️نصب الخليط بصينية وحده كبيرة او حسب الرغبه .. وندخلها فرن محمي مسبقا ١٨٠ من تحت فقط .. وتاخذ لها حوالي ربع ساعه الى ثلث ساعه
.
🔹️علما انها تاخذ وقت اطول لو صبيتو الخليط بصينية وحده فقط
.
ولما طلعتها من الفرن .. خليتها تبرد ربع ساعه بعدين غلفتها نايلون وحطيتها بالفريزر ساعه .. وبعدين طلعتها وقطعتها مستطيلات متساوية وسويت منها طبقات
.
◾خليط الكريمة:
.
🔸️100 جرام زبدة طرية
🔸️كوب سكر بودرة
🔹️يخفقوا 4 دقائق جيدا ترررررر
.
🔸️نضيف علبة فيلادلفيا 200 جرام بحرارة الغرفه
🔹️وملعقتين كبار صلصة فراوله (سويتها لما كنت بالاردن بالعيد ونزلت طريقته) وممكن نحط مربى فراوله
وملون طعام زهري .. نستمر بالخفق ترررر وتستخدم مباشرة
.
.
#٢٠١٨_كلحه
