《كيكة المانغا وكريم المانغا》
.
الكيكة تعتبر سهلة التطبيق ولذيذة والله .. اقرؤوا عدل وبالذات الملاحظات اللي تسساعدكم بتطبيقها بما يتناسب مع ذوقكم وبتطلع #لذيذة_لذاذة_اللذوذين_كلهم😋👌
.
◾التحضيرات:
🔸️قشرت حبتين مانغا واضفت عليهم كوب حليب وطحنتهم تررررررررر
.
🔸️اللي مايحب طعم المانغا يستخدم بالكيكة حليب فقط وما انصح تخلطون الحليب بأي نوع فواكه ثانية ولا حتى فراوله احس ماتضبط
.
#حلويات_كلحه #كيكة_مانغا_كلحه #محمد_الكلحه
.
◾المقادير:
.
🔹️3 حبات بيض
🔹️ثلاث ارباع كوب سكر
🔹️1م.ص فانيلا سائلة او ربع م.ص بودرة
🔹️نص كوب زيت نباتي
🔹️ثلاث ارباع كوب من خليط حليب والمانغا
🔹️كوبين طحين
🔹️2 م.ص باكنغ باودر
🔹️رشة ملح
🔹️ربع ملعقه صغيرة كربونات (ممكن الاستغناء عنه)
.
🔸️على سرعه متوسطه نخلطهم بخلاط الكيك تررررررررررر لمن يتحول الى خليط كريمي فاتح نافش
.
🔸️نخفف السرعه نضيف نص كوب زيت نباتي والمكينه شغاله بشكل خيط رفيع وبعدين نرد نرفع السرعه للوسط تررررررررررر
.
🔸️نضيف خليط الطحين وخليط حليب المانغا بالتناوب .. يعني نضيف الطحين .. حليب .. طحين ونخلط تررررر بس شوي مو وايد ترررر
.
🔸️نجيب القالب وممكن نطبقها بأية قالب طبعا .. ندهنه زبدة ونرشة طحين ونصب الخليط فيه .. الخليط يعتبر ثقيل .. بالتالي نصبه بالعدال علشان يتوزع صح .. ونضرب القالب عالطاوله لتفريغ فقاعات الهوا
.
🔸️ندخله فرن محمي مسبقا .. صينية بالوسط .. حرارة ١٨٠
.
🔸️يحتاج حوالي اربعين دقيقه الى خمسين .. حسب قوة فرنكم .. نطلع الكيكة ترتاح شوي وقبل لاتبرد عالااخر نقلبها واشربها حليب سائل اهي وساخنه واخليها تبرد عالاخر
.
◾خليط الكريم:
🔹️بواقي حليب المانغا (تقريبا يبقى منه ربع كوب) اضيف عليه حليب واسوي الكريم كراميل نفس مامكتوب عالعلبه بس اقلل شوي الحليب
.
🔹️يعني مثلا: العلبه مكتوب كيس كريم كراميل نحط له ٥٥٠مل حليب يعني كوبين
.
🔹️انا اضفت اقل من كوبين عالنظر مادري شكثر حطيت
.
المهم .. اصب الكريم كراميل فوق الكيكة واخليها تبرد تماما بعدييييين ادخلها الثلاجه
.
🔹️زينتها بفواكه فريش على ذوقي وبالعافية 😊👌🏻
.
.
🚩 اللي بيستخدم قالب مفتوح من الوسط انصحه يرفع كمية السوائل الى كوب بدال ثلاث ارباع الكوب
.
🚩 واذا بتحطون بس حليب بدون مانغا فلاتحطون الكربونات
.
بالمناسبه هذي الكيكة خليطها ثقيل و مناسبه انكم تحطون فيها مكسرات او قطع شوكولاته وما راح تغرق للقاع
.
.
#٢٠١٨_كلحه
