《كيكة الحليب بالزعفران》
مع احترامي الشديد .. انا تابعت كل الوصفات اللي نزلت .. وكلهم دون استثناء عبارة عن كيك اسفنجي عادي .. وصابين عليه حليب
عموما اذا كان عاجبكم الطعم والطريقه .. طبقوها دون تردد وعليكم بالعافية
بس ضروري اقول طريقتها الكلاسيكية واللي مافيها زيت او زبدة نهائيا وتعتمد على الميرينغ او بياض البيض
الكيكة سهله وسريعه وطعمها مميز .. المهم انها #لذيذة_لذاذة_اللذوذين_كلهم😋👌
المقادير
- كوب طحين
- 3/4 كوب سكر ناعم الحبيبات وليس بودرة
- 2 م.ص باكنغ باودر
- رشة ملح
- ربع كوب حليب مذوب فيه زعفران
- 3 صفار بيض
- 3 بياض بيض
- نص كوب حليب سائل
- نص كوب كريمه حلويات سائله
- كوب حليب مبخر مثل ابو قوس وكارنيشن
- كوب حليب مكثف محلى
- خيوط زعفران
#حلويات_كلحه #كيكة_حليب_كلحه
طريقة التحضير
🔹️نبدأ بخفق بياض البيض على سرعه متوسطه (رقم 3 مثلا) مع رشة ملح صغييييرة او بودرة كريم التارتار
🔹️واول ما يبدا يبين الفقاعات او الرغوة على حواف البياض نضيف السكر بالتدريج والمكينه شغاله
وبس ننزل الكمية كلها .. ترفع السرعه عالاخر … عالأقل ٥ الى ٨ دقائق لغاية ما ينتفش البياض ويتضاعف حجمه (تتكون قمم ثابته نفس الفيديو)
🔹️والمكينة شغاله بس نخفف سرعتها نضيف الصفار حبه حبه لغاية ما يتجانسوا
🔹️نخلط الطحين والباكنغ باودر مع بعض ونضيف نص الكمية .. ونخلط ترررررر
🔹️نضيف ربع الكوب الحليب المزعفر ونخلط تررررر وبالاخر نضيف باقي كمية الطحين ونطفي المكينه ونكمل خلط بالملعقه جق جق جق
🔹️نصب الخليط بالقالب مدهون زبدة ويدخل الفرن المحمي مسبقا على حرارة 180 والصينية بالوسط لمدة ٢٥ دقيقة او حسب قوة الفرن
لاتفتحو باب الفرن ابدااا قبل ٢٠ دقيقة
🔹️نطلع الكيكة تكون ساخنه نخليها تخف سخونتها بس ماتبرد و نشربها بخليط الحليب .. طبعا بس كمية بسيطه مو كلها تقطونها فوق الكيكه
⚠️ انا سقيتها بثلاث ارباع الكوب والباقي نهليه للي يحب ثلصة زيادة بعدين .. لاتشربونها اكثر من عالكمية وإلا بتصير هريس وسخيفه
🔹️تدخل الثلاجه ساعه لتبرد .. وبعدين نطلعها ونزينها بالكريمه ونخللي بجانبها كمية صلصة اضافية للي يحب
🔹️طبعا لااازم الكيكه تكون داخل طبق اكبر منها ويكون له حواف عالية … وبالعافية 😊👌
◾بالنسبه للكريمه: وهي تعتبر كريمه ويبنغ لاتنفع للحشوات فقط تنحط على وجه الحلويات مو شرط كيك
🔸️كوبين كريمه حلويات سائلة
🔸️كيس بودرة الدريم ويب (بودرة كريم شانتيه)
🔸️ربع كوب سكر بودرة (او حسب الرغبة)
🔹️ترررررررررررررر وتصير جاهزة 😊👌
#٢٠١٨_كلحه
