《قطايف كلحه بالقشطه》
.
لف الشاشة يسار للفيديو ⬅️
.
وصفتي المعتمدة من سنين .. تعلمتها من ابوي رحمة الله عليه .. مع شوي تعديلات بس #لذيذة_لذاذة_اللذوذين_كلهم😋👌
.
◾المقادير باستخدام الاكواب القياسية
.
🔸3 اكواب طحين
🔸نص كوب سميد نااعم
🔸4 اكواب ماء دافيء
🔸2 م.ك سكر
🔸نص م.ص باكنغ باودر
🔸نص م.ك خميرة
🔸رشة ملح
.
◾الطريقة:
.
بمحضرة الطعام نبدا نحط الماء والسكر والخميرة والباكنغ باودر ونخلطهم .. عقب نضيف السميد والطحين و ترررررر وبس
.
🚩ننتبه شوي🚩
.
🔸️نغطيها بنايلون ونخليها ترتاح نص ساعه وقبل البدء بصب العجينه على الصاج او التاوة .. شنسوي؟؟؟
.
🔸️نحط ملعقه صغيرة كربونات الصودا مذوبة بشوي ماي يعني نقول ملعقتين ولا ثلاثة ملاعق كبار ماء ونذوبهم ونضيفهم للخليط ونخلط جق جق جق بعدين نبدأ الصب
.
🔸️اللي ماعنده كربونات تكفه اشتري 😅 واذا ماودك تشتري مولازم هالخطوة بكيفكم مع انها تحسن النتيجه وايد
.
.
◾حشوة القطشه اللي اعشقها للقطايف وتعلمتها من ابوي كالتالي:
.
🔸نص لتر حليب سائل + نص كوب الى ثلاث ارباع الكوب سميد ناعم + ملعقتين كبار سكر او حسب الرغبة + ماء زهر وورد حسب الرغبه
.
🔸على النار مع التحريك المستمر لغاية الغليان .. نقصر النار واحنا للحين نحرك ترى .. حتى يثقل القوام
.
🔸نرفعها عن النار ونصبها بطبق مسطح وليس عميق علشان تبرد بسرعه وبعدين ندخلها الثلاجه تقعد اربع خمس ايام عاااااادي
.
🔸وعند الحاجه لها .. نطلعها ونحركها ونخلطها بشوي قيمر عالنظر وتصير تمااااام وبالعافيه 😊👌
.
🚩أما الشيرة .. اضغطوا على الهاشتاق بتلاقونها ⬇️
.
#شيرة_كلحه #شيرة_كلحه
#شيرة_كلحه #شيرة_كلحه
.
.
