《فطيرة زعتر فلاحي》
.
صباح الخير .. #ماشاءالله_تبارك_الله عجينه ترررررفه ورااائعه وتنفع لجميع انواع المطبق بعد مو بس لهالفطيرة 👌🏻
.
عملت كيلو .. لان عددنا كبير .. اللي بالفيديو حشيتها زعتر اخضر وبصل .. ووحده حشيتها زعتر وجبن فيتا
.
#فطاير_كلحه
.
◾المقادير:
.
🔹️كيلو طحين متعدد الاستعمالات
🔹️ملعقه ونص كبيرة خميرة
🔹️ملعقتين كبار سكر
🔹️ملعقه صغيرة ملح
🔹️ثلاث ملاعق حليب بودرة
🔹️بيضة وحده (اختياري انا احب اضيفها)
🔹️كوبين ونص ماء دافي
.
🔸️نضيف كل المقادير ونخلطهم باليد جق جق جق ونشغل العجانه ونبدأ ننزل الماء بالتدريج ونعجنها عالاقل سبع دقايق سرعه متوسطه
.
🔸️نحطها بطبق مدهون زيت زيتون ونغطيها بنايلون ونخمرها ساعه او ساعه ونص .. والباقي انتو تعرفونه 😉😘
.
لاتنسوا ان المقادير مافيها زيت .. لان الزيت راح نستخدمه بالاخر عند الفرد .. لازم نفردها بزيت الزيتون .. راح تحتاجه منه كمية كبيرة يمكن كوب
.
المهم .. ندهن السطح زيت ونفرد العجينه باليد وطول ما احنا نفرد نغمس ايدنا بالزيت لما تنفرد عالاخر بشرط ماتتشقق
.
نحط الحشوة .. ونسكرها نفس الفيديو ونخليها ترتاح خمس دقايق (حطيتها بصينية صغيرة)
.
وبعدين نرجع نفردها بصينية الفرن الاكبر والحشوة بداخلها عادي .. بالحجم والسماكه اللي تحبوها
.
لاحظوا انا فردتها كتير .. لاني احبها بهالشكل .. في ناس تسويها اسمك شوي .. المهم ندخلها الفرن ونشعل بس تحت تشقر وعقب نطفي تحت ونشعل فوق نحمرها
.
نطلعها ومباشرة نبخ عليها ماي علشان لاتنشف وتصير يابسه .. وعقب ندهنها زيت زيتون علشان اللمعه 😍 وبالعافية 😊👌🏻
.
ادعولنا بالتوفيق .. تحياتي 😘 واجازة سعيدة للجميع 🌹
.
.
#٢٠١٨_كلحه
